|
|||
Skotet
på kommunehuset. Kva skjedde? ”Var han Martinus lensmann igjen
då?” På Bondalseidet bestemte dei seg for at han Jon S. Vatne
skulle vere leiar for gruppa. Grunnen til at dei gjekk inn på kommunehuset, var at telefonen ikkje virka på lensmannskontoret. Derfor gjekk dei inn på forsyningsnemnda, men det viste seg at telefonen ikkje virka der heller, men det visste dei ikkje då. Ja, så gjekk dei inn på kommunehuset, og han John gjekk først med ryggsekkane. |
|||
Med det same Oddvin Vatne og Petter Krøvel kom inn, fall det fem skot. Dei andre som var tilstades var Martinus Riise, John Riise, det to tyskarane og vaskehjelp Randi Strandemann. John Riise fortalde historia slik:
Den eine tyskaren stod heilt stiv. Den
andre hoppa rundt på golvet og ropte: ”Kven skaut? Kven skaut?” |
|||
Far gjekk
bort til vindauget og ropte på sokneprest Slåtten for å få han til tolk.
Eg sa til
far at tyskarane burde ta av seg kleda. Han stilte seg opp framfor tyskarane
og kommanderte: Abkleidung! Den eine tok av seg kappa og leverte frå seg
revolveren. Den andre tyskaren tok også av seg kappa, og det hang ein maskinpistol
på brystet hans. I det han gav teikn til den andre, stakk
han handa i lomma og drog opp ein revolver.
Eg gjekk på han, men med det same vart revolveren fyrt
av. Skotet gjekk forbi meg, men trefte far i mageregionen. Eg greip kring
revolveren og pressa han inn mot tyskaren slik at han ikkje fekk trekt
av. Han tok så opp maskinpistolen, men av ein eller annan grunn fekk han
heller ikkje maskinpistolen til å fungere. I kampen mellom meg og tyskarane
falt maskinpistolen på golvet. |
|||
På grunn av ein telefonfeil tok det ei tid før dei fekk
tak i sjukebil og meir folk.Han Petter Krøvel var medviten, og då skytinga
heldt fram, klarde han å kome seg i dekning. Dette gjorde at dei andre
ikkje var klar over kor skada han var, og det viste seg seinare at kulene
hadde gått gjennom kroppen og ut gjennom kleda hans. Etter kampen vart Oddvin Vatne, Petter Krøvel og Marinus Riise ført til sjukehuset i Volda. Martinus Riise døydde av skadane fem dagar etter,altså den 16. mai. ”Kva tilstand var Martinus i dei
fem dagane?” Dei to tyskarane som hadde sagt dei skulle slå seg gjennom alle hindringar vart med ein av fyrvesenbåtane i ekstratur til Ålesund for avhøyr. Den tyskaren som skaut skal seinare ha sagt i cella at det var synd han ikkje skaut fleire i denne kampen. Den andre tyskaren vart seinare sendt heim til Tyskland. |
Dette er eit bilde frå rekonstruksjonen av handlinga som vart laga seinare. Frå venstre: Randi Strandemann, Oddvin Vatne og Petter E. Krøvel. John Riise står framoverbøygd. Vidare lensmann Martinus Riise med Ola Vatne som statist, den tyske soldaten Berndt med ein politibetjent som statist og den tyske soldaten Penzien med P. P. Stokke som statist. |
||
”Frå politihand har eg fått uttalt
at inga drapssak i Noreg har fått ei så dårleg
etterforsking som denne, sa han John Riise. Kva vart meint med
det?” I kleda på den eine av tyskarane vart det funne eit kart
der det var teikna inn reiserute frå Vigra til Hundeidvik, Trandal, Leknes
og til Rise, der lensmannsgarden var merkt med raudt kryss. Alt tyder
såleis på at det var planlagt ei eller anna ugjerning på lensmannsgarden
på Rise. Men kva som skulle gjerast og kven som stod bak, er framleis
ei gåte. |
|||
Tyskarane hadde visst noko seinare sagt i avhøyr at dei rømde
fordi dei var redde for å verte sende til Russland. Og dei var tenkt å
skaffe seg papir, sånn at dei kunne kome seg vidare. Men då var det no
rart dei sa at det var gale dei ikkje fekk skyte meir. ”Artikkelen
frå Møre Nytt, er den rett?” |
Uniforma til Martinus Riise, det som er merka med kvitt er der skotet trefte. |
||
Marius |