6.september
var elevane i 9. klasse i Lisjeelva for å måle straumfart
og rekne ut vassføring. Dette er ei tverrfagleg
oppgåve der elevane får bruk for både matematikk og
naturfag. Elevane får bruke det dei har lært
i matematikk til å løyse ei praktisk oppgåve, og samstundes
får dei vere ute i naturen.
Hausten
2000 vart det og gjort slike målingar i elva. Då hadde
elva ca. 20 l større vassføring pr. sekund. Vi lurte
litt på kvifor det var mindre vassføring i haust.
Det hadde jo regna mykje meir i haust enn i fjor haust.
Etter litt diskusjon fram
og tilbake kom vi fram til at særs lite snø i fjella,
pga. lite snø i vinter, måtte vere forklaringa.
Etter
målingane drog vi fram til skulen sin leirplass og
grilla pølse. Dei to gruppene i 9. klasse har no laga
rapportar frå målingane. I tillegg er resultata lagt
inn i vasspermen sin database.
|