Kjenner du nokon som kanskje vil interessere seg for dette innlegget?
Tips ein venn om denne artikkelen
I vår søkte Hjørundfjord kulturvernlag om SMIL midlar til å restaurere den gamle Ursætra i Nøvedalen, men det var mange om beinet og Ursætra vart ikkje prioritert i denne omgong. Søndag den 3.september var underteikna styremedlem i Hjørundfjord kulturvernlag, invitert ilag med Aklestad -Holen for å delta i utgravinga av murane som står att.
Vi starta frå Holen kl.11.00 og det var regn, men temperaturen var fin og når ein er i godt lag så er det ikkje noko problem med litt regn. Vi gjekk opp gjennom den faste råsa til Nøvedalen og her var som alle andre plassar problem med igjengroing, men når ein har med lokal kjentfolk så er det ikkje vanskeleg å finne vegen.
Restane etter det gamle Urselet ligg opp i sida til Aklestad inn mot ein stor stein.
Tufta var igjengrodd og her var mykje å ta tak i.
Arve Svoren prøver liggeplassen og finn den godkjent under tvil.
Høgda på murane veks og fine heller i botnen kjem fram. Kjell Otto kan dette med å bruke spada.
Det aller viktigaste med ein slik dag er den gode matykta og det sosiale.
Nils Aklestad og hunden tok ein tur innom på veg heim etter ei helg i Nøvedalen. Nils fortalde om då faren Oddmund og Arnfinn Holen gøymde ein sigarett i selet under krigen og når dei kom at så hadde det vore lekkasje og alt var øydelagdt.
Dagens arbeid vert vurdert som vellukka og her skal meir gjerast.
F.v.Sigve Aklestad, Arve Svoren, Kjell Otto Holen, Margreta Aklestad, bak Jan Gunnar Aklestad og Laila Svoren.
Dette var fint å få være med å delta i eit godt grannelag som var ut for å ta vare på eit gamalt kulturminne i Nøvedalen. Det var gjort litt arbeid på råsa, men her må meir arbeid gjerast skal framande folk finne fram, så alle kan få ta del i den flotte dalen. Om det ikkje lukkast å få noke offentlege midler i fyrste omgong, så er det berre å sette igong å rydde rås for å bevise i ein ny søknad at dette er eit kulturminne det er verdt å ta vare på, så snart som råd. Og beviset for at dette er viktigt for grunneigarane, håper eg du les gjennom denne artikkelen.
Takk for ein fin dag i lag med gode naboar.
Ivar Svein Mo