Svein hadde teke på seg brygginga til kulturtreffet "Geitabonden ved Hjørundfjorden" som vert arrangert Jonsokkvelden på Stavset. Per Atle hadde meldt seg som læresvein og hjelpesmann.
Svein hadde teke på seg brygginga til kulturtreffet "Geitabonden ved Hjørundfjorden" som vert arrangert Jonsokkvelden på Stavset. Per Atle hadde meldt seg som læresvein og hjelpesmann. Karane starta i 10-tida på formiddagen. 50 kg malt var innkjøpt og det vart fyrt opp i ovnen under det 80 liters store bryggepanna.
Den vedfyrte ovnen unde bryggjepanna
Meiskekaret var klart og etter ei stund hadde vatnet kome opp i dei nødvendige gradene som meiskinga krevde. Vatnet vart slått over maltet og det vart rørt grundig om for å få jamn temperatur, ca. 62-63 gr, i meiskemassa som no skulle stå i ro ei tid for å få ut søtstoffet i malten.
Karane for så på skogen for å hente friske einerkvistar til rystesåen. Helst skulle vi ha med ber på dei friske kvistane som vart lagt godt til rette i såen før meisken vart aust over. Eineren verkar som sil samtidig som han set smak. Det er og skikk å bruke einelog (vatn kokt på einekvistar) til å slå over meisken i rystesåen. Vi brukte ikkje det denne gongen, men ca. 200 l varmvatn vart brukt, halvparten i kvar tapperunde der ca. 80 l vørter vart tappa ut i to omgangar. Etter at vatnet er slått oppi såen, står dette i ro 15-20 min. slik at vatnet søkk skikkeleg ned i såen og gir jamn temperatur. Etter kvart som vørteren vart tappa, slo vi nytt vatn over i såen. Etter kvar vørtertapping vart dette kokt opp for å hindre framandbakteriar å kome til. Humlepellets vert satt til under kokinga (ca. 1 gr. pr. liter). Vi kokte ikkje inn vørteren særleg mykje, men tappa han over i store spann for raskast muleg nedkjøling og tilsetting av gjær.
Tapping av vørtra
Same prosess vart og følgd for andre runde vørtertapping. Ca. 80 nye litrar vart tappa ut for ny koking. Dette vart igjen tappa ut for ny nedkjøling til ca. 25 gr før det vart slått saman med førre parti i det reingjorte meiskekaret som no skal stå til gjæring i ca 2 døgn.
Etter at karane hadde vaska opp alt etter seg og tømt ut restane i såen, var kl. 19.00, dvs. det hadde gått med 9 timar til brygginga.
Skriv kommentar:
Tittel:
Kommentar:
Du kan registrere deg som brukar av sidene med å klikke HER.