Årsmelding for Hjørundfjord kulturvernlag år 1999

Årsmøtet  for 1998 vart halde på hotell Sagafjord. 37 personar møtte.

Styret i 1999 :

Synnøve Rekkedal Hill, leiar. Per Atle Røe, nestleiar. Kjell Arne Årseth, skrivar. Jakob Finnes, styremedlem. Knut Leknes, styremedlem. Tore Stokke, 1.varamedlem. Jarle P. Bjørdal, 2.varamedlem. Ingeborg Standal, 3.varamedlem.

Valnemnd: Ole Johann Riise, Gunnvor Halland, Perry Bjørke. Revisor: Jon Arne Årseth

Laget har 120 medlemer. Det har vore halde 4 styremøte i 1999.  

Gåver:

Hjørundfjordfondet ----------  kr. 2000,--
Volda og Ørsta sparebank---   ”    500,--
Ørsta kommune---------------   ”  4000,--
Ølmonopolet ------------------   ”  4000,--

Medlemer av styret, med Ragnar Standal som kjentmann, har hatt to synfaringar på Hjørundfjordstranda. Der er ein heil del som det er av interesse for laget å engasjere seg i. Det kan verte aktuelt med vedlikehald, restaurering, skilting og rydjing. Ein del av dette egner seg godt til dugnadsarbeid. Fyrste dugnaden er alt i hamn, då me fekk rudt ei gravrøys på Årsneset for skog.

I samarbeid med Hjørundfjord sogelag, hadde kulturvernlaget utstilling på Hjørundfjorddagane. Hovudemnet var sjødrift/fiske. Ole A. Standal, Ole O. Viddal Jakob Finnes Knut Leknes og Bjarne Riise gjorde eit solid arbeid med dette. Også våpen og fangstreiskap for jakt vart utstilte.

Sundag 15. august, arrangerte laget kulturvandring på Hjørundfjordstranda, i samarbeid med sogelaget og soknerådet. Om lag 120 personar i alle aldrar, deltok i strålande ver. Kommunebåten tok med folk frå Bjørke og utover. Vandringa starta på Standal, Buss og privatbilar frakta folket utover til Årsneset. Tidsskjemaet gjorde at me diverre ikkje rakk lenger utover stranda i denne omgangen. Dette lyt me rette på ved eit seinare høve. Til slutt var det samling på Stavsetskulen, med mat og kaffi. Sokneprest Øygard heldt så friluftsgudsteneste. Hjørundfjordkvintetten stod for den musikalske delen av gudstenesta. Ragnar Standal gjorde ein god innsats som den sjølvskrivne kjentmann. Det var i det heile ei vellukka tilskiping.

Arnold Hustad, Per Terje Holen og Nils Taklo, deltok på eit styremøte for å diskutere planar og framdrift for ei samling av flydelar, og dokumentasjon om flyslaget over Hjørundfjorden under krigen. Det vart nedsett ei arbeidsgruppe til å arbeide vidare med prosjektplanen. Desse er med i gruppa: Arnold Hustad, Per Terje Holen, Per Atle Røe og Torbjørn Urke.

Vassaga på Skjåstad: Huset er ferdig restaurert av Thomas Hustad. Det står att å byggje opp att sloket og vasshjulet. Tilskot frå fylket: kr. 35 000,--

Notanaustet på Bjørke: Laget har arbeidd for å få inn midlar til istandsetjing, og har no fått tilsegn om               kr. 39 000,-- frå fylkeskonservatoren.

Kr. 4 000,-- frå ølmonopolet, gjekk til restaurering av eit kvernhus på Årsneset. Arbeidet her er sluttført av Thomas Hustad.

Ved Stavbergsetra, og Lygnstøylvatnet, er det sett opp informasjonstavler, på fleire språk, i samarbeid med sogelaget.

Kulturvernlaget har knytt til seg personar som er interesserte i tradisjonelle båtar og sjødrift. Denne gruppa har hatt synfaringar, mellom anna til Viddal og Stavset. Det syner seg at det enno finst ein del interessant i fjorden, mellom anna fleire storebåtar og eit notbruk i frå Viddal som er i bra stand. Eit av måla er å få ein eller fleire gamle båtar i sjøklar stand.

Sæbø 19. mars 2000, Kjell Arne Årseth, skrivar.