Informasjonsmøte om Bondalen grendahus - Kva er framtida til huset?

Slik stoda er i dag må organisasjonsforma til grendahuset vårt endrast. Per dags dato er huset eit partslag slik det vart stifta i 1989. Denne forma er ikkje lenger lovleg, og det må gjerast ei endring i strukturen.

Det vert eit informasjonsmøte om situasjonen slik den er i dag. Vi oppfordrar alle som har tilknytning eller eigarinteresser i Bondalen grendahus til å møte opp.

Det som vert diskutert på møtet er:

- stoda slik den er i dag med noverande organisasjonsform

- økonomi

- konsekvensar av noverande driftsform

- omorganisering/overtaking av huset

- det har kome forslag om at ei eventuell overtaking vert til Bondalen Frilynde Ungdomslag

Dersom du har ei meining om dette, oppfordrar vi sterkt at du tek deg tid til å diskutere framtida til grendahuset.

Onsdag 17. november klokka 20.00 på Bondalen grendahus

- representantar frå partseigarane -

Lagt inn av Bondalen frilynde ungdomslag
08.11.2021 21:54

Stikkord

Stikkord gjer det lettare å finne fram til stoff som er i ditt interesseområde. Du kan trykkje på eit stikkord for å få fram innlegg som liknar på dette.