Lysmesse og julegrantenning på Sæbø søndag 6.des

Komande søndag er det 2.søndag i advent og det er klart for lysmesse i Hjørundfjord kyrkje kl. 15.00. (Påmelding på www.ikyrkja.no). Etter lysmessa skal den flotte julegrana tennast. Då vil generasjonskorpset stå klar og skape god stemning med kjende og kjære julesongar.

På grunn av pandemien som herjar, kan korpset dessverre ikkje byde inn til sin årlege julemarknad, men korpset vil halde ein konsert kl. 17.00 på grendahuset der det er mogleg for inntil 50 personar å delta. Då vil korpset med alle aspirantar og juniorar få vise fram litt av det dei har øvd på gjennom hausten. Det gledar vi oss veldig til! Korpset har òg fått ny dirigent i haust. Han heiter Sander Andersen og gledar seg til å vise fram korpset! Påmelding kan gjerast ved å sende SMS til Astrid Hustadnes på tlf. 90 99 24 36.

julegrantenning