Lysmesse, julegrantenning og julemarknad søndag 8.des.

Komande søndag er det 2.søndag i advent og slik tradisjonen er på Sæbø vert det lysmesse i Hjørundfjord kyrkje kl. 15.00. Etter lysmessa skal den flotte julegrana tennast. Då vil generasjonskorpset stå klar og skape god stemning med kjende og kjære julesongar. Etter dette inviterar korpset til sin årlege julemarknad på Bondalen grendahus og håpar mange har høve til å ta turen.

Julemarknaden er eit viktig arrangement for korpset, og vi gledar oss kvart år til å arrangere den. Oppslutnaden på julemarknaden er god kvart år, noko vi er utruleg takknemlege for. Vi kan også i år love triveleg basarstemning med flott musikk, triveleg prat, tombola, åresalg, trekking av loddbok og eit flott sunnmørsk kakebord! (Også med glutenfrie alternativ.) Og kanskje kjem nissen? :) Vi håpar iallefall det. Både korpset og dei flotte aspirantane skal spele, og Astrid Hustadnes vil leie oss gjennnom basaren.

Dirigent for korpset er Ingvild Hamnaberg. Ho lovar flott musikk og god stemning på basaren :)

Dersom nokon fleire har lyst å bidra med gevinstar til utlodding eller hjelp vert vi utruleg glade for det :)

julegrantenning