Grisegrilling og dans med trubadur Siggen

På eit møte i vår satt vi i styret i ungdomslaget og la planane for sommaren, hausten og den nye utescena som er planlagt i Bondalsparken. Då kom det eit forslag om å arrangere dans for å ha eit sosialt samkome for bygdefolket og samtidig få inntekter til den nye scena. Vi ville også tilby mat for gjestane, og vi bestemte oss for å servere heilgrilla gris med tilbehør.

Fredag ettermiddag tok vi laust med å lage til på grendahuset. Bord og stolar skulle på plass, og ein del av maten skulle lagast til. Laurdag morgen kom grillen på plass og arbeidet med å å få grisen på grillen starta. Når klokka var halv elleve, var både grisen marinert og kolet klart til grilling. Dei gode hjelparane bytta på å passe på grisen heile dagen, og vi i styret laga klart resten av maten som skulle servertast.

Det var nærmare 80 personar på påmeldingslista, og mange munnar å mette. På menyen stod det sjølvsagt heilgrilla gris, potetbåtar, potetsalat, foccacia, couscoussalat, coleslaw (italiensk salat), grøn salatbuffet og fleire dressingar.

Dørene opna klokka 18.00, og maten var tenkt servert rundt 19.30. Vi vart litt forsinka, men alle var einige om at ein ikkje venta forgjeves. Kjøtet blei oppdelt og servert, og det var lang kø for god mat.

Klokka 22.00 var trubadur Siggen klar, og han spelte mange kjende og kjekke songar. Det var mange som leita fram danseferdigheitene og holdt det gåande utover kvelden og natta.

Inntektene frå dansen kjem godt med når vi tek til med arbeidet med den nye utescena i Bondalsparken. Den kjem i tilknytning til huset, omtrent som eit overbygg over storesalen på huset, med støyt platt utanfor. Dette kjem vi meir tilbake til når vi har fått skissene frå dei som teiknar.

Vi sit no igjen med gode tilbakemeldingar og fornøgde gjestar som deltok på dette arrangementet. Sjølv om dette var noko vi i styret ikkje hadde gjort før, så vart det ein veldig kjekk kveld. Vi fekk god hjelp frå gode hjelparar, både til å ordne grill, sjølve grillinga og til å dele opp kjøtet. Dette set vi utruleg stor pris på! Håper alle hadde ein kjekk kveld!

Mvh

styret i Bondalen frilynde ungdomslag,

Leiar: Åse-Lill Leknes Kvistad

Nestleiar: Janne Kristin Aamaas Solhaug

Skrivar: Eva Haugen Øye

Kasserar og delansvar for søknadskriving: Cindy Helen Hoddevik

Styremedlem: Rikke Dahl

Styremedlem: Anniken Samuelsen Gulbrandsen

Styremedlem: Kristine Langdal 1 år igjen - Ansvar for informasjon/marknadsføring

Styremedlem: Silje Solhaug 1 år igjen - Ansvar for informasjon/marknadsføring

Styremedlem: Bernt Arve Hustad

Styremedlem: Kimberly Mari Colclough