Men no treng me å fylle opp den nystifta sjakklubben med medlemer frå bygda og fjorden! Dette skal være eit lågterskeltilbod, og klubben skal være for både born, ungdom, vaksne og pensjonistar som er interesserte i sjakk på eit eller anna nivå. Ein treng ikkje være spesielt god, ei heller kunne reglane fullt ut. Her lærer vi av kvarandre. Interesse og det å være litt nyfiken på sjakk er det viktigaste. Så bygger vi klubben rundt dette for folk i alle aldrar.
Vi kjem til å arrangere lokale spelekveldar med jamne mellomrom her på Sæbø, fyrste gong allereie før påske, eller i påska.
Det vil være ei medlemsavgift (årleg og til passeleg sum for bevisste sunnmøringar :) Kanskje ca kr 300-400,- i årskontigent for vaksne, og rundt halvparten for barn/ungdom. Så kan vi investere i litt brett og klokker til spelekveldar. Det gis også støtte frå Norges sjakkforbund om vi melder oss inn der. Vi kjem til å lage ei facebookside for medlemer for info og diskusjon. Informasjon om aktivitetar vert også lagt ut her på Hjørundfjordportalen.
Ta kontakt med nokon i Styret dersom du er interessert i å være med i klubben, så kjem vi i gong!
Om nokon har spørsmål så ta kontakt med Arnar tlf 48354809, eller Alf Ole på tlf 90168677.
Kommentarar
Det er oppretta ei lukka facebookside for medlemer av sjakklubben, og du blir lagt til der så fort du syner interesse for å være med