Julemarknaden er eit viktig arrangement for korpset, og vi gledar oss kvart år til å arrangere den. Oppslutnaden på julemarknaden er god kvart år, noko vi er utruleg takknemlege for. Vi kan også i år love triveleg basarstemning med flott musikk, triveleg prat, tombola, åresalg, trekking av loddbok og eit flott sunnmørsk kakebord! (Også med glutenfrie alternativ.)
Dirigent for korpset er Ingvild Hamnaberg. Ho lovar flott musikk og god stemning på basaren :)
(Foto: Rune Sæbønes)
Også i år har vi opplevd stor gjevarglede blant bedrifter i Ørsta og på Sæbø, så vi har mange flotte gevinstar til utlodding. Bygdefolket i Bondalen har òg gjeve mange flotte gevinstar, noko vi set utruleg stor pris på!
Både kyrkja og Generasjonskopset ynskjer alle velkomne til ei fin førjulsstund 2. søndag i advent.
Helsing Hjørundfjord sokneråd og Generasjonskorpset
Kommentarar