Sprekingar på Laua.

Tur til Laua.

Eldrid stillte som sjåfør og henta oss på kaia så vi slapp å ta bilen over.

Kanutte, Janneche, Kari, Eldrid og Nelly, godt kledde for ein våt tur.

Rett etter kom lokalgaiden Oddhild, klar for tur.

Starten er godt merka, men denne gongen vert det ikkje heilt til topps på Slogen, men Laua som ligg ca 300 m.o.h.

Ut på tur aldri sur, Janneche og Oddhild blide og opplagde.

Då var vi i gong, rett oppetter råsa fyrste bakken.

Dei som har vore på denne råsa før har møtt på desse finurlege leda som gjer at du må ha litt meir intellegens enn dyra for å gå gjennom, vi bestod!

Granskogen er god å gå i, men bratt er det stort sett heile vegen.

Eldrid fekk trøbbel med staven men det fiksa vi fort, liten stopp for å nyte utsikta.

Eldrid, Kanutte, Nelly, Kari, Oddhild og Janneche.

Spesialgaidane: Oddhild, Eldrid og Nelly.

Nytt parabolsenter som gjer at dei som vil kan ha kabel-TV, ein må høgt for å finne signal her.

Ikkje fritt det vart litt klivring på sleipe våte steinar,men dette er sprekingar så ikkje noke problem.

Fonnene dura og vi ser at det framleis er mykje snøv i høgda.

Skogsfiolen blomstra, sjølv om bildet vart dårleg, og har du god fantasi ser du at liljekonvallen står i knupp. 

Vålhammaren, flott utsikt og vi måtte utpå kanten å åsne litt for å få eit flott bilde med Øye og pelsdyrfarmane under.

No er vi oppe i lauvskogen då var t det lysare.

Oddhild viser veg,du kan sjå raudemerka, der råsa gjekk ned til Lunhem då Dagmar gjorde råsa uframkommelig ei periode.

Flott gjeng rett før vi når målet.

Vidare oppover går det i godt tempo.

FOR EIN UTSIKT!

Regnvåte optimista vel oppe på Laua, litt vått kamera,men.....

Bodil, Kanutte, Nelly, Kari, Eldrid og Janneche.

Etter  ei lita pause og skriving i boka var det tid for heimveg.

Mykje av granskogen er vekke grunna Dagmar.

Som du kan sjå er det eit heilt anna landskap enn tidlegare, granene er vekk og mykje arbeid er lagt ned for årydde råsa så den vart framkomeleg att.

På ei eine fann vi ein sopp, hagtornrust ein soppart som har vertsveksling med einer, det vil sei for å fullføre livssyklusen må den bytte mellom hagtorn og einer.

Så denne eina dør nok sakte men sikkert og soppsporane vil nok finne ein hagtorn å kose seg med etter dette.

jammen fann vi ei bok til å skrive oss i, nesten nede på flata. 

No kom sola strålande fram og verda vart reine idyllen.

Tilbake til start, nede ved vegen.

Laua ligg oppe på hammaren med lauvtre, vakker utsikt på raske høgdemeter, kan anbefalast i finevêr og regn.

Takk for turen, bli gjerne med på Torsdag, då vert det tur til Emblem.

Ta gjerne kontakt så vi veit om vi vert mange som skal samkjøyre.

Mandag 18 mai startar vi med Gamlevegen.

VEL MØTT!