Gunnar-råsa og Storenakken.
1september og fyrste haustadagen, god varme og flott turvêr lokka ut den harde kjerne på tur.
Gunnar har nyrydda råsa opp til granskogen, den heldt på å gro att.
Marit, Kari, Fred, Gunnar og Bente.
Etter nokre meter haurde vi nokre som kom etter oss, Frøydis og Gunn slo lag så no vart vi åtte.
Gapahuken måtte vi beundre.
Kva er vel dette, eg trudde lenge det var ei korg som fuglane kunne bygge reir i.
Kva trur du?
Grønt og sumpaktigt i gamlebrunnen.
I granskogen er det litt for mørkt til å ta bilder,men vi prøvde likevel.
No kom Irene og slo lag med oss også, andre turen i Gunnar-råsa i dag.
Gunnar og Frøydis.
Store maurtuer, skal tru kor mange som bur her?
To kjekke skogstroll som passar på oss som går forbi.
Ute av granskogen og siste biten med lauvskog att.
Råsa snor seg oppover i fine svingar.
Gunnar fann ein gigantsopp.
Er det ein brunskrubb skal tru?
Kvileplassen vert flittigt brukt, her er det sesser til mange.
290 m.o.h, då er det ikkje så langt att.
No vert utsikta mot Sæbø flott.
Oppover ser vi Knutsgjølet og Lissjedalshornet som ruvar i bakgrunnen.
Fellesbilde ved steinen, flott gjeng ved Gunnar-råsa.
Gunnar skriv i boka, me kan med stoltheit registrere at det er mykje besøk i råsa i år også.
Godt jobba Gunnar.
Skåratausene.
Bodil, Gunn og Gunnar oppe ved Åseråsa, men vi skal vidare mot Skonndalen.
kari og Irene. Frøydis smakar på Skondalselva.
Litt prat og ein ligg etter i løypa, men tyttebæret oppå tuva.......
So var det ned Knutsgjølet.
Storenakken med si flotte utsikt, og for ein gjeng! alle vart med på heile runda i dag.
Utsikta frå Korsabrua er verdt ein tur i seg sjølv.
Ekstra kjekt å ta bilde når byga ligg fram i dalen og held seg vekke frå oss.
Nede på Skogsvegen i Risebakkane, Kari, Marit og Bente.
Regnbyga ligg inni fjorden men kom aldri til oss.
Vi fekk kose oss i varmt flott haustavêr utan regn.
Tusen takk for turen, no minkar det på måndagsturane for i år, men vi har nokre att.
Neste måndag vert det tur til Olavshola, vel møtt!
Kommentarar