Det såg ei stund faretruande ut for påskesesongen, butikksjef Kanutte(Nutte) Strand var nemleg uheldig og braut arma tidlegare i vinter, men no går alt rette vegen og no fredag, fredag den 4. april klokka 1000 opnar igjen dørene til Strands bakeri ved ferjekaia på Sæbø.
 |
|
Butikk- og kafesjef Nutte v/Strands bakeri på Sæbø er i fin form igjen etter |
Mannen i bakeriet, Dagfinn(Daffa) Strand, har igjen fått opp temperaturen i steinomnen og lovar at alle dei kjende brødsortane skal vere på plass i butikken på opningsdagen. Det er Ørstabrødet og Hjørundfjordbrødet som er dei mest kjende, men han har fleire sortar i tillegg. I tillegg vil der vere nesten alt mogleg anna - også dei store skulebollane.
Opningstidene på kvardagane vert frå klokka 1000 - 1630. Laurdagane er opningstida frå klokka 0930 - 1500.
Men i tillegg vil bakeriet og kafeen vere open Skjærtorsdag, Langfredag i tillegg til 1. og 2. påskedag. Desse helgedagane vil opningstidene vere frå klokka 1000 - 1600.
Nutte og Daffa ynskjer alle tidlegare kundar og nye kundar hjarteleg velkomne til ein handel i butikken eller t.d. til ein kopp kaffe og eit Wienerbrød mens ein ventar på ferja eller berre vil slappe av åleine eller saman med kjende.
Kommentarar