Eg kom meg aldri til Kvistad, men eg høyrde om rekkja med folk som sende vassbytter til kvarandre heilt frå Storelva.
Her ser ein rekkjene av folk som sender bytter til kvarandre. Onkel Bjarne fortel at i starten var det ei rekkje som både sende fulle og tome til kvarandre, men her ser ein damerekkja i blomstra søndagskjolar som sender tombytter. Den andre, herrerekkja sender fulle vassbytter som dei tømde oppi brannsprøyta som var betjent av 4 menn.
Vedhuset var farleg nær løda, og det vart rekna som eit under at ikkje løda fatna.
Her er litt av ei folkemasse som vart mobilisert. Og her er nok brannen under kontroll. Biletet må vere teke frå loftglaset i Jogarden.
Eg kan hugse at sjølvantenning frå uleska kalk var ein av teoriane om brannårsaka. Det er imponerande at jungeltelegrafen var så effektiv utan mobil og facebook. Og med berre nokre få fasttelefonar.
Det hadde vore kjekt å få kommentarar av folk som hugsa denne hendinga .
Her er brannsprøyta som vart brukt, og som var det einaste brannvernet i Bondalen i 1950åra.
Kommentarar
Men det måtte være ein fin og spesiell sommardag då enkelte karar er i slips og kviteskjorte og kvinnfolka i søndagskjolane sine.Utruleg kva folk som har møtt opp og det var ellers mykje folk som budde på Kvistad også den tida.
Bilde viser også "institusjonen", Kvistad Auto, med sine lastebilar, som også var brannbilar i tillegg til alle andre oppgåver dei hadde i bygda.
Årstalet måtte være i midten på femtitalet for Hole-løda er under bygging og den stod ferdig i 1956.
Interessante og historiske bilder som Knut har funne fram her. Skriv inn kommentar, for her er det viktig å få vite meir om denne kritiske dagen i Jo-garden på Kvistad.