Det vart ikkje så nøye opptalt, men 12 - 13 stykker var vi nok som starta frå parkeringsplassen på Hustadneset. Varmt og fint i veret, men med mørke truande skyer.
I passeleg tempo ruslar vi oppover, nokre likar å gå fort, men dei er lydige og stoppar opp så alle får kvile innimellom.
Frå start og opp om dyrkamarka går vi på traktorveg, nokre fine kalvar er forskrekka over alt folket som er ute å fer.
Her er vi komne opp til granskogen, råsa vidare er godt raudemerka og det brattaste og tyngste partiet kjem no. Det er berre å gå på!
Etter granskogen krokar råsa seg fint gjennom frodig lauvskog. Her er mykje kjekke jenter og gutar som likar turar i skog og mark.
Irene, Laila, Monica, Haldis, Gunn, Ann Helene og Jonny.
Kvilepause ved mastene, no er den tyngste delen av turen unnagjort, resten er berre moro. Jonny, Gunn, Bente, Fred, Frøydis, Helga og Linda.
Vakker utsikt må forevigast.
Hilde får ikkje nok av Hjørundfjordfjella, utsikta må berre nytast.
Gunn med Bondalen i bakgrunnen.
Alle er framme og det er tid for å skrive seg i turboka, ha på varme kle og ta seg ein matbit. Tusen takk for ein triveleg tur ilag med ein super gjeng.
Helga, Haldis, Ann Helene, Irene, Monica, Frøydis, Hilde, Laila, Fred, Linda, Jonny, Bente, Gunn.
Måndag 8. juli er vi klar for Klokkura og Tryvatna, vel møtt.
Kommentarar
Kjem snart att, skal ta med so mykje sol vi berre klarar :-)