Siste bil over Urke fergekai

Det er mange år sia fergekaia på Urke vart flytta til Lekneset.
Men eg kom over ein konvolutt der det står: Siste bil over Urke fergekai. Sjølvsagt Anders Hustadnes som er fotograf.

Det ser ikkje så enkelt ut å betjene fergelemen.

Gamle Julsund var lenge ferge på Hjørundfjorden. Var det den som avløyste "Sosnebben"? Eg hugsar ikkje det rette namnet.

Kjende fjes, men hugsar du namna. Kven sin bil var den siste over lemen, og kven sit i baksetet?

Kva årstal er dette? Biletnemda har bruk for opplysningane.

Lagt inn av Knut Riise
11.01.2013 16:18

Stikkord

Stikkord gjer det lettare å finne fram til stoff som er i ditt interesseområde. Du kan trykkje på eit stikkord for å få fram innlegg som omhandlar temaet.

Kommentarar

Per Urke - 21. september 1958 11.01.2013 kl. 17:35

Eg viser til sogelaget sitt årsskrift nr. 21-1999 der Torbjørn Urke skriv om Urke kai: "Siste ferjeavgang søndag 21. september 1958 vart ei vemodig oppleving for oss som voks opp med ferjetrafikk og fleire bussavgangar frå Urkekaia. No vart Urke meir og meir utkant, og avfolkinga tok til."

Det som er så fint med bileta frå Anders Hustadnes sitt kamera og tilhøyrande tekst, er at mange av opplysningane kan stadfestast ved å gå på fylkesbiblioteket i Ålesund og få sjå den aktuelle utgåva av Sunnmørsposten, antan i papirutgåve eller på mikrofilm. Og det skal eg ta meg av, Knut.

Men la det med ein gong verte sagt: Det er sjølvaste ekspeditøren på Urke kai i meir enn 30 år, Fredrik M. Urke (1902-88) som har kvitskjorte, slips og alpehue. Dette var og hans siste arbeidsdag som ekspeditør. Etterpå overtok Lars I. Urke, men no vart det berre rutebåten morgon og kveld som skulle eksepderast.

Kven andre som er namnsette i avisa, får vi kome tilbake til.

Per Urke - "Sosnebben"/ "Rjånes" 11.01.2013 kl. 18:29

Eg trur ikkje at "Julsund" overtok etter "Rjånes" så tidleg som i 1958. Eg legg ved link til ein artikkel på portalen for nokre år sidan då "Rjånes" tok ombord Halvard Urke sin Mercedes lastebil i 1962-63: Sjå: http://www.hjorundfjord.no/?komponent=artikkel&handling=les&artikkel=2834

torbjørn urke - Ferjene Urke-Sæbø 12.01.2013 kl. 15:15

Det eg hugsar som første ferja (alså etter krigen) var "Kaulå" som egentleg heitte "Framsteg" - ferja gjekk til Øye også ei tid. La til med to digre treskinner (sliskar). Så så var det mange år med "Bilfergen" som no ligg på hamna i Ålesund. Kva "Sosnebben" heitte på rett, skulle vore artigt å visst. Onkel Fredrik M. Urke vart ikkje så gammal som det står ovanfor, han døydde 27.nov 1978. Alpehuå han he på bilda, var eit misfoster, han brukte blonkeskjodahue dag ut og dag inn. Han kasta korta når ferja flytte til Lekneset, "Game over!" for han! Han hadde likt seg no når hurtigrutå er rutebåt på Hjørundfjorden. Gode foto av Anders Hustadnes.

Roy Lillebø - Sosnebben 14.01.2013 kl. 00:33

Trur den er bygd i 1946 og heitte då "Voldafergen II" til 1947, frå 1947-1959 "Folkestadfergen" og etter det "Reiulf" brukt av AuF til og frå Utøya i Tyrifjorden.
I år 2000 registrert som vraka.

Ivar Svein Mo - "Voldafergen II" 14.01.2013 kl. 20:39

På Bjørkedal kystlag si side, skriv Bjørn Myhre om Voldaferga II:

Bjørn Myhre :Ferge nr. 2 bygd i 1948 " Folkestadferga" vart kalla "Sosnebbet.Ho vart seld i 1962 til AUF og transportert til "Utøya".Kjelde: Arnstein Dal.

På denne sida finn ein også bilete av ferga.

Endre Mo - http://www.fjordfaehren.de/ 16.03.2016 kl. 21:22

Frigg II 1937 - 1939 / ? - 1966
Framstig: 1937 / 1947 - ?
Farmand I 1937 - 1939 (?) / ? - 1966
Bilfergen: 1950 - 1960
Julsund: ca. 1961 - ca. 1966(Sommar)
Rjånes: ca. 1960 - ca. 1965 (Vinter)
Vestra 1966 - 1982
Solskjel (I) Sommar 1980
Norddalsfjord 1982 - 1991
Averøy 1991 - 1992
Valldal (II) 1993 - 1995
Nørvøy 1995 - 2005 // 2006 - 2008
Aure 2005 - 2006
Kvernes Sommar 2006
Eiksund: 2008 - 03.2010
Halsa: Sommar 2010
Goma: 07.2011 - ...

Skriv kommentar:
Logg inn for å kunne skrive kommentarar