Den plateaktuelle gruppa Misjra kjem til Hjørundfjord kyrkje onsdag 28. november for å ha konserten "Himmelvendt".  Konserten er bygd opp rundt songar og musikkstykke som handlar om himmelen, og det vil bli både solosong, fellessong og instrumentale innslag.

Åsa Forngren Thorstvedt som syng, budde i Ørsta/Volda-området i fleire år medan ho studerte, og er kjend for mange gjennom sin song i kyrkjer, bedehus og andre stader.  På Sæbø jobba ho i fleire år med konfirmantar og barnekor.  Magnhild Mo er utdanna cellist frå Stavanger, Basel og Stockholm, og jobbar no som kantor i tillegg til oppdrag som frilansmusikar.  Ola Ohm er i dag prest og pastor, men har kyrkjemusikkutdanning frå London og Stavanger, og jobbar i tillegg frilans som pianist og organist.
 
 
 
Hjørundfjord sokneråd ønsker alle Velkomen til ein flott konsert.