Universets mysterium
NRK har nyleg sendt ein engelsk serie om astronomi, Wanders of the Universe, på norsk Universets mysterium. I førstninga av februar, i 3. episode av 4, fekk vi vita om svarte hol og tida som vart bøygd omring store masser.
 |
 |
| Kvistadkjerringane, mot Viddal | Mot Storfjorden etter solnedgang |
I innleiinga til denne episoden var det vakre bilete frå fjellnatur i vinterkulde og ettermiddagssol. Det vart ikkje opplyst i programmet kvar desse filmsekvensane var teke opp, men det verka svært norsk og vestlandsk. Dei lokalkjende såg kanskje at helikopteret med kamera i innleiingssekvensen sveipa rundt programleiaren, professor Brian Cox, med godt taufeste på toppen av Dalegubben over Sæbø. Det var seinare opptak frå forskjellige stader på kloden. Ca 40 min. ut i programmet var det igjen filming av Hjørundfjorden frå mange andre vinklar og av fjell rundt. Det var sikkert mange som hadde nok med å prøva å forstå utlegginga av vanskeleg astrofysikk i tale eller i tekst og som var mindre merksame på kvar filminga var frå. Det var synd at programleiaren ikkje spanderte nokre ord om kvar han var då han forklarde om mysteriar i universet nett då. Truleg hadde det vore god reklame for staden.
(alle bileta kan klikkast på for stor størrelse)
Kommentarar