I går fekk eg tilsendt ein bunke med gamle, men etterlengta Møre-Nytt. I nr 147, dat 24.12 fann eg ei poetisk perle som gjorde sterkt inntrykk. Det er sjeldan eg finn ein tekst og eit bilete som harmonerer så vedunderleg, og som saman fortel så mykje.
Biletet syner (kjend) velstelt setergrend i trolsk måneskinsstemning. I eit av dei små vinddaugo skimrar ein lyset frå ein oljelampe. Utanfor ligg snøen kald og glitrande.
Teksten, den lyriske kommentaren, ber namnet LUKKA, og forfattaren er Knut Riise.
Takk til deg Knut som kan skape slikt stemnngsfull, poetisk lyrikk !
Med "sommarleg" helsing frå Sverre Måseidvåg
Kommentarar
Sjalg Longva eller Kjell Rune Klubbenes fann på å legge teksten inn på biletet, og det tykte eg vart bra. Ekstra kjekt at ein gammal skulemann likte det.
Eg var lang tid i desember offer for ein svikt i utsendinga av "Møre-Nytt", m.a. galt det nummeret som skulle kome julaftan.
Kanskje kan eg sende det til adm. og få han til å legge det inn.
Eg fekk og problem ved juletider fordi ikkje systemet på portalen virka. Administrator og Håkon Trandal hjelpte meg. Rådet var:
Ver i posisjon for innlegging (nytt innlegg). Set skrivemerket (den vesle loddrette streken)i skrivefeltet (der vi legg inn teksta - ikkje ingress). Trykk ned Ctrl-tasten samtidig som du trykkjer ned F5-tasten i øvste rekkje. Då skjedde det som skulle til! "Under over under", spør du meg!
Moral: Ikkje sikkert det er maskina di som sviktar. Kanskje det trengst berre eit godt råd frå dei som veit? (Og det er ikkje eg).