Flinke jenter på Sæbø

Vi har så smått teke til å samle inn og scanne gamle bilete og negativ.
I samband med det har vi så vidt teke til på negativskuffa til Anders Hustadnes. Eg kan love at der er mykje flott!
Endå har vi ikkje fått kjøpt inn utstyr, men Ivar Svein Mo har ein scanner privat, og han har gått i gjennom ein liten del av Hustadnesnegativa. Her er ein smakebit. Kommenter gjerne kven jentene er og kva tid bileta er tekne.

Det er slik at Anders Hustadnes var meldar for Sunnmørsposten. Det er truleg at eit av desse bileta er brukte der, og så har han fått att filmen framkalla.

Eg legg inn alle 3. Det orginale formatet er mykje større, men det held vel til identifisering.

Nokre av dei les seg heim att for meg også, men ikkje alle.

Fortel oss kven, kva tid og kva slag anledning dette var.

Om dette er av interesse så kan vi kanskje bruke portalen vidare i arbeidet vårt.

Om ikkje lenge vil eg legge inn nokre foto frå miljøet rundt Hustadbrua i ei tid då årets laksesesong vert svartår til samanlikning. Dette også frå Anders si samling.

Lagt inn av Knut Riise
11.01.2012 16:00

Stikkord

Stikkord gjer det lettare å finne fram til stoff som er i ditt interesseområde. Du kan trykkje på eit stikkord for å få fram innlegg som omhandlar temaet.

Kommentarar

Anette Olin K. Lyshagen - Mange kjente 11.01.2012 kl. 20:58

Eg veit ikkje kva høve, men dette må da være Bente Rekkedal, Kristin Berge, Elisabeth Årseth, Eva Årseth, Heidi Holen og Anne-Lisbeth Eidem. Er litt usikker på dei to minste, men kan det være Vibeke Berge og Elsebeth Kvistad?

(brukar "pikenavna")

Martin Årseth Dimmen - Loddsalg til Redd Barna... 11.01.2012 kl. 21:42

Å kor kjekt å sjå gamle bilder :) -Vi hadde klubb vi jentene, å samla inn pengar til Redd Barna. Der var ofte vi hadde loddsalg ute på sommarane :) Anette har rett med alle navna, Kristin og Vibeke Berge er systre og bodde i prestegarden. Vi var veldig ivrige i tjenesta, å rulle lappa fleire gongar til tombola også :) -Og folk kjøpte lodd med oss. Å premiane fekk vi på butikkane, å med foreldra våre. -Denne gongen var det kolonialkasse og dukke med klede som var premie :)
-Kanskje hugsar dokke andre meir enn meg ?
Anders brukte allfall alltid å være på pletten å ta bilde å sende inn av oss.
-Er litt usikker på årstall, men kanksje er det nokre andre som hugsa det ?
Knut, veldig kjekt å ha slike "gamle " bilder på portalen syns eg, flott at du tek deg tida til dette arbeidet :)

Elisabeth Å Dimmen

Ivar Svein Mo - Spennande 11.01.2012 kl. 22:18

Når ein legg ein negativ film på skannaren som ikkje har vore framkalla før, er det spennande. Plutseleg så kjem eit flott bilde opp på skjermen og somme tider kjenner ein personane, og andre tider er dei heilt framande.

Når ein då får slik respons som her, då vert bilde mange gongar så mykje verdt. Med eitt har ein ei god forteljing med eit bilde til.

Vi får stå på, og det kan verte mange godbitar av bilde framover på portalen, og vi treng hjelp med å identifisere dei.

Skriv kommentar:
Logg inn for å kunne skrive kommentarar