Boklansering

Fredag 25. november kl. 19 vil forfattarane av boka "Opplev Sunnmørsalpane - friluftsliv frå fjord til fjell" i samarbeid med Ørsta kunstlag arrangere boksleppfest på Kunsthuset i Ørsta. For ein mindre sum inngangspengar vil ein få enkel servering, høve til å sjå på utstilte bilete frå fleire av dei som har levert bilete til boka, oppleve eit lysbileteføredrag ved forfattarane og høve til å kjøpe eit signert eksemplar av boka. Arrangementet er ope. Boka vil også vere tilgjengeleg hjå Staurset AS i Ørsta og hjå NotaBene og Haugen bok i Volda frå same dag.
Ingressbiletet er frå Brekketindbreen. Foto Eirik Vaage

«Opplev Sunnmørsalpane – friluftsliv frå fjord til fjell»

- Ei bok for alle som er interessert i variert friluftsliv, både tilreisande og fastbuande.

- Det mest fasinerande med Sunnmøre er det store mangfaldet – breidda – spennvidda av ulike naturopplevingar ein kan få innanfor korte reiseavstandar. I denne boka viser vi fram det beste av det beste innanfor ei rekkje ulike friluftsaktivitetar: Kontrastane mellom surfing på Stad, padling ved Runde, fjellklatring i Molladalen, skikøyring på Slogen, sykling i Valldalen, longboarding i Geiranger, dykking i Lygnstøylsvatnet og paragliding over Sunnmørsalpane er enorme og herlege.

- Kvar aktivitet er presentert i eige kapittel med fem til femten turar per aktivitet, og vi har lagt vekt på å ha med heile spekteret av vanskegrader innanfor kvar aktivitet, frå det heilt enkle til det meir krevjande.

- Vi freistar også å kombinere det visuelle med høg informasjonverdi i kvar einskild presentasjon og satsar mykje på å ha høg kvalitet på bilete og illustrasjonar.

- Bak i boka har vi med eit eige kapittel om reising og overnatting på Sunnmøre. Her presenterer vi m.a. mange av dei flottaste overnattingsstadene i regionen, med alt frå fyret på Runde, Juvet landskapshotell og Hotell Union på Øye til Patchell-hytta og telting i Molladalen.

Forfattarane

Vedlagt følgjer nokre eksempel på bilete frå boka.