Naturfestivalen 2011 Årskogstøylen og Høgereset.
Vi var fjorten som starta ved Holebrua, og skodda var slik ho har vore det meste av sommaren, tjukk og grå.
Vi var spent på om vi kom oss over skodda, om vi fekk sjå sola.
Dei som var med var: Haldis, Kanutte, Johanne, Kjell, Mari-Anne, Karoline, Ingvild, Bernt Arve, Bente, Fred, Hilde, Frøydis, Kari og Bodil.
Kanutte, Hilde, Fred og Kjell slukker tørsten.
Ved elva før Årskogstøylen gjer det godt med kaldt godt vatn, det beste i verda er det heilt sikkert, alltid kaldt og friskt.
Bernt Arve og Frøydis, klar til start att.
Bente, Karoline, Ingvild, Mari-Anne og Haldis ved drikkevasskjelda.
På Årskogstøylen vart skodda tjukkare og vi merka at lufta var svært fugtig.
Utsikta var nok helder dårleg.
Ved elva i lissjedalen var det ikkje godt å sjå lenger enn ei ti meter fram, så nokre valgde å snu nedatt.
Karane Fred og Kjell hadde god tid å prate .
Bente og Haldis benytta sjangsen til å fylle opp drikkeflaskene sine.
Vi gjekk i flokk for å sjå kvarandre, ja ein hare sprang fyst, det var sjølvsagt
Bernt Arve.
Då vi kom opp på Høgereset var der eit underleg lys, vi såg sola kome fram litt etter litt mellom skoddedottane.
Det vart lysare og lysare, og vi vart ivrigare og ivrigare, snakk om solhungrige folk.
Himmelen vart blå, og vi fekk ta fellesbildet i SOL!
Bente, og dei fleste andre leita fram fotoapparata for å ta bilde, for det var spesielle motiv mellom skoddedreva og solgløtta.
Sjelden eg ser ein kvit skodde/regnboge, ikkje lett å fange med kamera helder.
Det vart mykje fotografering og alle var fasinerte.
Og medan sola framleis skein på Nonshornet, Setretindane og i Fladalen, rusla vi nedatt i skodda.
Fin oppleving å få smake på Sola, friskt med ein tur uansett.
Tusen takk for turen, og vel møtt til neste som vert i Olavshola.
Vi vil minne om at vi på fredag skal ha familietur til Stokkesetra, dette vert ein tur som høver for alle uansett alder, vi ber om fint vêr, men vi har bål å spidde pølse og varme oss på om det ikkje vert så fint.
Uansett skal vi ha det triveleg, ut på tur- aldri sur!
VEL MØTT!
Kommentarar