Alle foto: Knut Hustad. Klikk på fotoa for å få dei i stort format
 |
| Ray Gelato and the Giants var det store utanlandske trekkplasteret på scena fredag |
Omtrent 500 publikummar på fredag, rundt det dobbelte på laurdag - utan tvil var 2011-utgåva av Trandalblues nok ein suksess. Men så hadde også arrangørane gjort ein svært god jobb for å få ei god samansetning av lokale, nasjonale og internasjonale artistar/band. Sjekk programmet ved å klikke her.
Trandal og Christian Gaard er, som mange no veit, ein stad med vakre kulisser. Kvar du enn ser rundt deg finn du eit fotomotiv. Likevel er det utruleg at du ein vanleg fredagskveld midt på sommaren kan ta deg ein tur til den vesle bygda og få oppleve vidgjetne artistar som Ray Gelato and the Giants og Knut Reiersrud Band.
 |
 |
| Trond Olsen Band på hovudscena | Fjord, ferje og hyggelege folk |
Fredagskvelden/natt til laurdag var vi som nemnt ca. 500 publikummarar på Trandal. Vi hadde det som plomma i egget. Rett nok var lufta litt kjøleg, men
det var plass til både å vere ute og inne. Einaste minuset måtte vere at ein del måtte reise heim før Knut Reiersrud Band fekk fullført konserten.
| Trandalblues har vore ein årleg tradisjon sidan 2007. Festivalen starta i uvêr, i eit telt med ca. 100 publikummarar. Dei siste par åra har ca. 1500 vitja festi- valen kvart år. |
Laurdag måtte ein god del bruke meir tid i kø både for å kome seg til og frå Trandal, men til gjengjeld var vêret strålande. Laurdagskvelden var vel Vidar Busk & Kjetil Grande m/band den store attraksjonen, men likevel meinte fleire at det var Bokkereidars Bluesband som var dei store publikumsfavorittane takka vere sitt gode scenetekke.
Det skal noko til å overgå dette arrangementet, men det er likevel all grunn til å gle seg - arrangørane har nemleg lova eit nytt Trandalblues neste år. Då må ein nok tinge seg plass i god tid - no veit nemleg svært mange at Trandalblues tyder kvalitet.
 |
 |
| Vakker kveld | Kjærleik i blikket |
 |
 |
| Båtar | Publikum |
 |
 |
| Gitarhelt - Knut Reiersrud | Musikalsk duell |
 |
 |
| Intensitet | Raudt lys, blå musikk |
Kommentarar
Eg har opplevd dette fleire gonger
Før Eiksundsambandet kom so var eg i Ulstein på eit arrangemang. Då den beste musikken begynte kl 22 måtte vi snu nasa mot Eiksundferga på grunn av fergekøa som var lang.Dette syntest eg var so dumt då vi skulle høyre denne gruppa..
Det same var det når vi var i Ålesund på en konsert..
Siste Festøyferga den gong var kl 2430.
Dei beste burde vere før 24 då folk som skal heim og so må køyre til Dalsfjorden -Nordfjord-Ulstein ol begynne å tenke på heimreisa tidlig.