Sommarstemning på Hjørundfjordheimen.

                 Tur til Villa Nordangdal 14 juli

Vi var ikkje seine når govêret endeleg kom, då vil vi på sommartur.

Vi bestillte bilar og på Fivelstadhaugen var dei ikkje seine å åpne dørene for oss.

Ein flokk på 26 stk tok laust , og rask servering av finaste sort, fekk vi.

Vi leigde idrettslagsbussen og fyllte den raskt opp med turglade bebuarar.

Fremst her sit Ragnar og Oddfrid.

Vi fekk også tak i ei drosje som kunne ta to rullestolar i tillegg til 10 andre, Bård Lillefosse heitte den sjåføren, velvillig og hjelpsam kar frå Folkestad.

Vår faste Drosjesjøfør er på ferie.

Fremst her sit Petra som var ei av initiativtakarane til turen.

Då vi kom inn til Villa Nordangdal, sto ein flokk spreke kara og damer for å hjelpe oss inn og vel til bords.

To staselege damer, ved eit staseleg bord.

Åslaug og Sigrunn.

Det var dekka med nystrokne damaskdukar og elegante lysesetakar, rett høgtidsamt.

Kalla, Liv og Johanne har mange gode minner frå denne staden frå før, og stemninga var god og alle i godt humør denne dagen også.

Karen kosa seg storleg i desse flotte omgjevnadane, og skrytte vel av maten.

Mary, Ragnar og Arne ved det "runde" bord, Mary kunne fortelje at ho, som kjem frå Skottland, eingong fekk besøk av foreldra sine, valgde ho nettopp Villa Nordangdal til å ta ein tur og dei hadde "tea time" her.

Knut, Arthur og Petra rundt bordet.

På veggane heng bilder av kongelege frå ulike tider, og vi følte oss som kongar og dronningar vi også.

Iris, som driv dette hotellet, serverte oss og småprata litt med alle.

Gunvor, Borghild, Kirsten, Rebekka, Karen, kalla, Johanne, Marta, Solveig og Anna. Bak i kråa, Oddfrid, Bodil og Sigve.

Medan vi kosa oss med mat og kaffi fortalde Iris oss om historia til hotellet frå det vart bygt og fram til i dag.

Alle fylgde intressert med og nokre stillte spørsmål og kom med kommentarar til noko dei huska godt sjølve, ei svært triveleg stund.

Då vi skulle reise sa Iris at om ho nokon gong skulle kome på ein sjukeheim så vil ho på Hjørundfjordheimen, for slik ein glad og flott gjeng hadde ho aldri sett.

Ho skrytte av oss som reiste på spontan tur med ein slik optimisme og glede!

Ungdommen slappar av i graset, Anna Elise, Sigve og Rebekka.

På fergekaia på Leknes, vart vi bittelitt forseine til 14 ferga og måtte vente ein time til neste.

Tusen takk til grendalaget som har eit flott toalett tilrettelagt for dei med rullestol, kva skulle vi gjort utan !

Bodil og Knut var svært fornøgde med at det gjekk så bra, alle som var med skrytte av turen og takka oss som hadde "kokt ihop" dette påfunnet.

Medan billetøren styrte med sitt i det flotte vêret, nerma vi oss Hjørundfjordheimen att, der venta middagen på oss.

Alle var einige om at det var ein gild tur, og vi skal ikkje vente lenge til neste gong.

                       Litt av daglege aktivitetar.

Eit lite "knippe" av noko som vi syslar med i kvardagen. Det gjeld å finne dei store gledene i dei små ting.

Kvifor ikkje flytte heile gjengen ut og ta trimmen ute når vêret tillet det?

Alle kosar seg med trim, både med musikk og utan.

Etter ei runde med store blå ballen treff Norunn rett i mål.

Norunn er den som trimmar oss, trim er godt både for kropp og sinn.

I vår måtte vi felle nokre tred, dette held oss med arbeid ei heil ykt.

Nokre rydda greiner, og bar skatet i hengaren.

Leif fekk seg tak i ein sagbukk, og saga mesterleg fine kubbar.

Etterkvart kom hoggestabben og øksa fram og veden vart kløyvd.

Vi har no ein flott stabel med turr ved, så kan vi fyre i bålpanna, og kose oss ute rundt bålet.

Vi song og fortalde historiar, og det vart fleire og fleire som ville sitte ute rundt bålet med oss.

Skodda har letta frå Skondalen og sola varma i kapp med bålet.

Ingen hadde lyst å gå innatt til middag, vi hadde det rett triveleg.

Ragnar syng og Leif ( som er mesteren bak all veden) les avisa.

               Har du brukte frimerker?

Så ikkje kast breva dei er på, gje dei til oss, så kan vi klippe dei ut og sende til Tubfrim.

Då støttar du ei god sak, og vi har noko å pusle med i styggevêrstider.

Haldis, Gunvor, Monica, Ragnar og Oddfrid i fullt arbeid.

Anna er så netthendt og nøyaktig at klippinga går som ein leik.

Mary er også i fullt "engasjemang".

Leif, Karen og Torill kosar seg i sola.

Med dette vakre trekløveret, ynskjer vi god sommar vidare til alle lesarane våre.