Tradisjonsrik jonsokfeiring .

                       Jonsokfeiring på Rise 2011

Det har vore feira jonsok i ulike tun og løder etter som det har passa, siste åra har vi vore på tunet i Simagarden på Rise.

Vi har i felleskapet på Rise kjøpt to "partytelt" som gjer at regnet ikkje lenger skal stoppe oss frå å sitte ute.

Telta set vi opp på dugnad, og alt som finst av utemøblar, puter og grillar samlar vi på tunet i Simagarden.

Køyring av brennbart rusk, papir, sengar og helst ei bålheks, ja det er utruleg kva som finst i loft og kjellar . Dette er det ungdommen som står for.

For bålet vert alltid bra!

Gamle og unge feirar i lag, den eldste er 86 år og den yngste 16 mnd.

Vi startar med lurvetog kl 17, Ragna går fremst med gitar og vi syng og "togar" oss alle gjennom heile Risetuna.

Ragna med gitar og hatten som er dekorert med lakrisreimar, seigemenn og smågodt.

Legg også merke til brillene og den kledelege nasa.

Rolfen med diskosveis, burkaBodil,og Martinus hippie blondy, like bak.

Eit av høgdepungta etter toget, er Ragna med hatten.

Alle ventar spent på medan Ragna testar "spruten" i nasen, før klarsignalet går.

No er det om å gjere å nappe til seg godteri, Ragna meinheld på hatten og sirkuset er i gong.

Alle vil ha ein bit, Andreas, Tina Irene, Marta, Sondre, Markus og Bendik.

Sjølvsagt Ragna i midten.

Mykje makt og list vert brukt før siste snopbit er vekk.

Vesle Iver fekk nok ein liten bit, men vert nok meir deltakande i kampen om snopet til neste år.

Tre "staselege" herremenn, Kjell Arne, Rolfen og Martinus.

Så er grillinga i gong, karane sin arena? Mykje godt i vente er det i alle fall.

Martinus og John Thomas i full kokkelering.

Endeleg mat, vi et som om vi hadde svolte i ei veke!

Alle  har noko godt på fatet og stemninga er på topp.

Eve og Kjell Otto med familie slo seg i lag med oss i år, og det sette vi stor pris på.

Vi deler på alt, og likevel er der mykje att når alle er mette.

Ja, typisk sunnmøring.

Mykje blide folk, Ingrid og Iver smiler om kapp med Marie.

Endeleg fekk kosepusen Iver noko å gnafse på, maiskolbe er godt.

Grillrøyken ligg over "landskapet" og skaper den rette stemninga, alle et og pratar.

Kjekt at Manuela og Bernt også ville vere i lag med oss i år.

So er tida komen for tenning av bålet.

Martinus hadde stikkedåsen og var tennsjef, og fyr vart det.

Vi vaksne held oss litt på avstand og ser på.

Medan den yngre generasjon må bort og leike litt med elden.

Marta ,Tina Irene og Therese kosar seg med eit "eksperiment".

Ja dette var eit lite samandrag om korleis me feirar jonsok på Rise i regn, neste år vil vi gjerne få vise korleis vi feirar i skinande sol.

Vi er so glade for denne tradisjonen vår, og håper vi får fortsette slik i mange år framover.

God sommar til alle.