På ein av turane mine til Storetinden sist sommar såg eg at den største boka var utskriven og den litle kladdeblokka som låg ved også burde skiftast ut. Bøkene var våte og var i oppløysing. Den største boka er lagt ut av Søre Sunnmøre Turlag i 1991, den andre er også lagt ut dette året men syner ikkje kven som har lagt den ut anna enn fyrste namnet som er skreve i boka. I oktober var eg igjen på “tinden” i lag med vener og med ny bok i sekken. Eg tok med “gamle” bøkene heim til Austefjorden, her er dei til oppbevaring. Eg ynskjer at dei som den gongen la bøkene i varden skal få dei att. Eg håpar at ein eller annen som les dette kan gje meg opplysningar om dei som har lagt ut bøkene.