Kva heiter planetane?

Eg også greier å sjå at dette er Karlsvogna, men kva heiter den lyssterke stjerna/planeten i sør om morgonen?

Sjå forklaring frå Per Urke i kommentarfeltet under artikkelen.

Om kvelden står Karlsvogna der ho skal stå på denne tida av året - over Grøtdalstindane

Litt før klokka sju om morgonen går eg i fjøsen. Då er det som oftast svært så kaldt og månen har lyst sterkt der han stsår ein eller annan stad på himmelen. Likevel ser eg noko lyssterke greier på stjernehimmelen inne i Kvistaddalen, dvs. i sør, sør-aust. Lyset er nær horisonten. I mitt stille sinn har eg nok tenkt at dette må vere ein planet, menn er det nokon som kan kome med opplysningar?

Men ikkje berre det; i ni-tida om kvelden ser eg noko anna lyssterkt på himmelen. Dette lyset er på denne tida også i sør, men noko meir over mot vest. Er dette også ein planet, eller kva er det for noko? Dette burde eg sjølvsagt vite, men portalen veit vel svaret?

Kva er dette lyssterke punktet på sør, sør-vesthimmelen i 21-tida om kvelden?

Lagt inn av Knut Hustad
07.12.2010 21:46

Kommentarar

Stig Helset - Venus og Jupiter 29.11.2010 kl. 00:51

For å seie det som det er, har eg mindre greie på stjernehimmelen enn på Sunnmørsalpane. Likevel kastar eg fram det eg trur er svaret på spørsmåla dine. Om morgonen trur eg det er Venus du ser og om kvelden trur eg det er Jupiter du ser. Men eg er altså ikkje sikker. Torbjørn Urke er vel gamal Hjørundfjording, og han må vel ha svaret. Det er iallfall fantastiske dagar og veker vi opplever no, med stjernehimmel, godt skiføre og god is til både skeisser og klatring!

Stig-Petter Rekkedal - Stellarium 3D 02.12.2010 kl. 18:37

For dei som liker å følge med på kveldshimmelen, anbefaler eg gratis programmet Stellarium.

( http://www.stellarium.org/) - her har ein stjerner, stjernebilde, planeter, samt enkel informasjon om dei ulike objekta. Også himmelretning og vinkel på horisonten i forhold til kor ein held til.

Så eg er enig med Stig at det er Jupiter, solsystemets største planet, ein ser om kvelden i Sør. Planetens er 318 ganger større en vår egen Jord. Og ligge ein stad mellom 58 og 96 milliona mil unna..

Torbjørn Urke - Stjernehimmelen no 07.12.2010 kl. 20:49

Det har vore flotte stjernekveldar ei tid. Knut Hustad ber meg orientere om kva me ser. "Kveldsstjerna" no er som Stig Helset skriv JUPITER. Viss du tek ein vanleg kikkert og har noko å støtte han på, vil du sjå nokre små stjerner attmed Jupiter. Det er dei såkalla Galileiske månane, som går i ring kring den store Jupiter. Jupiter er så stor at om han vart plassert på Sæbø-kaia, ville han rekke heilt til Månen!
Morgonstjerna er og som Helset nemner Venus. Ser du på Venus med ein vanleg god saude-kikkert med støtte til, vil du kunne sjå at Venus ser ut som ein måneskalk med ryggen mot Sola og soloppgangen om lag slik: S ( der S-en representerer Sola og parentesen måneskalken. Prøv å sjå desse naturovringane, det ER moro. Lukke til! Helsing Torbjørn Urke
ps: Julegåvetips: Almankken for 2011, særleg månetabellen side 46 eg har masa meg til å få på prent. ds
Vil du har meir orientering om stjernehimmelen, så fortel det her. mvh tu

Skriv kommentar:
Logg inn for å kunne skrive kommentarar