![norangsfjorden11[1]](/images/cache/374/16327/scale-down-1600x1200/norangsfjorden11_1_1.jpg?1522733074 "norangsfjorden11[1]")
I vilkåra for landingsløyvet, er det krav om at helikoptertrafikken skal kunngjerast i Hjørundfjordportalen.
Stenes sett frå Bøvika
Det største helikopteret til 62NORD landar 13.15 på Stenes. Ole Rønning og "kårkallen" på Stenes, Jon Stennes, skal vere med på rundturen som lokalkjende. I Viddalstranda stig ein opp frå området ved Sævåg i retning Jakta, men svingar nordover platået på Stålberghornet og landar på toppen, 1248 moh. Her vert det tid til intervju før ein flyg vidare mot Konedalen og ned mot Norang og vidare tilbake til Stenes.
![norangsfjorden11[1]](/images/cache/374/16329/scale-down-1600x1200/norangsfjorden11_1_2.jpg?1522733073 "norangsfjorden11[1]")
Det er i dette området geitene frå Stenes hadde sine beite.
Viddalstranda til høgre. Sævågområdet ligg rett bak personen på biletet.
NRK produserer med dette eit innslag til "Norge rundt", men og til andre program som er på planleggingsstadiet.
No er det berre skodde og regn som kan hindre at Ole Rønning skal få sitt høgaste ønskje oppfylt.
"Møre-Nytt" vil bruke stoffet i 2-3 ulike samanhengar. M.a. vil Ole Rønning stå i fokus i eit intervju. 91-åringen fekk i fjor avslag på landingsløyve på Stålberghornet, ei gåve frå borna hans som hadde fått kjennskap til Ole sitt høgaste ønskje som gåve på 90-årsdagen.
Helikoptertrafikk onsdag
Vi har registrert - gjennom "bakvegar" - at NRK skal drive fotografering i området rundt Slogen på onsdag, 19. august.
Her vert det brukt to helikopter, eit til foto og eitt til persontransport. Det er noko uvisst kva som er bakgrunnen for opptaka, men utgangspunktet er Stranda der det er ei langt mindre restriktiv haldning til bruk av helikopter, m.a. til å promotere området i turisttrafikksamanheng.
Sunnmørsalpane har ei bakside som vender mot Stranda, veit vi som høyrer til på "rette" sida. Men vi som held til på denne sida er kanskje ikkje så villige til og flinke til å fortelje andre om kva skatt vi forvaltar?
Kommentarar
Og her er vi ved poenget: Turisme og turistuvikling må bli daglegdags tema blant folk i fjorden. Samarbeid og nytenking må til. Då kjem utviklinga. Men det er mange ting på gang: Brua-parken, badeplass i Bøvika, skilting og informasjon rundt omkring i bygda, småbåthamn m.m.
Når det er sagt må vi sjølvsagt vere klår over at marknadsføring er ein samansett og kompleks disiplin som ein ikkje greier å gjere åleine.
utgang der Ole enno ein gong kan setje foten
på Stålberghornet.Han var ein fjellets heidersmann,og dyktig og dristig var han til å ta seg fram over alt. Han var dreng på Trandal i fleire år, og eg hugsar godt færdene hans til fjells etter dyra. Vel undt med ein behageleg flytur til eit tidlegare krevjane mål!
Turen vart avvikla etter planen og vi fekk sommarens beste dag - i alle fall hittil i sommar. Det vil kome nokre bilete etter kvart på portalen, men stoffet og artiklane vert i første omgang presenterte i "Møre-Nytt". I dette tilfellet gjeld visse reglar om opphavsrett, men vi får sjå vidare. "Møre-Nytt" er ikkje firkanta når det gjeld slikt. Utanom det, kjem NRK-M&R med innslag m.a.i programmet Norge Rundt.
Vi er mange som gled oss over at Ole fekk turen!