Ja til flytebryggje

Først sa dei nei, men i dag gav eit samrøystes Samfunnsutval i Ørsta kommune Marit og Oddvar Olsen løyve til å leggje ut flytebryggjer nedanfor det gamle Samvirkebygget på Sæbø...

Først sa både administrasjon og politikarane i Ørsta kommune nei til at Hjørundfjord Fjordservice AS skulle få plassere flytebryggjer utanfor kaia til det gamle samvirkebygget på Sæbø. Men i dag, under klagehandsaminga, snudde politikarane i Samfunnsutvalet og gav Marit Riise Olsen og Oddvar Olsen/Hjørundfjord Fjordservice AS likevel løyve til å legge ut flytebryggjer.

Flytebryggjene til Hjørundfjord Fjordservice A/S vert liggande nedanfor det tidlegare samvirkebyget, dvs. mellom skyssbåten i bakgrunnen og trappa nede til høgre på fotoet. Foto: Ivar Svein Mo.

Foto frå motsett kant, frå sør mot nord. Foto: Ivar Svein Mo.

Oddvar Olsen er no svært glad for at politikarane no har gjeve sitt endelege ja til flytebryggjene. Som kjent har ekteparet Olsen, eigarane av Hjørundfjord Fjordservice AS, kjøpt det tidlegare samvirkebygget for og bygge det om og så satse på utleige av rorbuer. Sjølvsagt er det meint at leigarane skal få fiske frå båt i Hjørundfjorden og då må også utleigebåtane ligge ein stad. Oddvar fortel at det er snakk om flytebryggjer som skal ha plass til seks båtar.

I fylgje Ørsta kommune kan flytebryggjene leggast ut allereie i sommar om ynskjeleg. Dette fordi flytebryggjer ikkje er ramma av byggeforbodet p.g.a. Åkernesremna.

Lagt inn av Knut Hustad
30.06.2010 23:56

Kommentarar

Ivar Svein Mo - Eit sjølvsagt vedtak med blanda følelse 01.07.2010 kl. 10:47

Eg vert både sint og glad når eg les om dette vedtaket frå Samfunnsutvalet. Glad på vegne av at to som vil satse på Sæbø, får lov til å bruke eigedomen sin til det dei har kjøpt den for. Dette har administrasjonen i Ørsta velsigna tidlegare og uttalt at dei er svært positiv til, og samtidigt seier dei nei, når Oddvar og Marit vil ta den i bruk. Det ser ut som det er ein bestemt politisk uvilje frå leiinga i Ørsta for å få noko til i Hjørundfjorden. Hjørundfjorden skal ligge der som ei verna urøyvd perle som folk skal besøke og reise herifrå. At her bur folk som skal drive næring, kjem i andre rekke.

Skal turistnæringa og næringslivet på Sæbø få den nødvendige omsetningsauka om sommaren, må der kome besøkande både frå sjø og landeveg og eit aktivt kaiområde kan skape liv, desse viktige sommardagane.

Det er litt betryggande at når berre medlemmane i Samfunnsutvalet vart gjort oppmerksom på kva som held på og skje, ved å fylgje administrasjonen sitt syn, så snudde dei samstemmigt. Dette er no våre beste politikarar som sit der og skal ha eit litt vidare syn enn oss andre!

Oddvar og Marit og alle oss andre, gratulere med dagen, håper ikkje all energi er brukt opp for å kjempe mot byråkratiet i Ørsta kommune.

Eva Aarskog - Gratulerer:-) 01.07.2010 kl. 20:53

Flott at det endeleg vert positive avgjerder i dokka favør:-))))

Ingunn Hjorthaug - :) 01.07.2010 kl. 22:38

Gratulerer :)

Tor Eirik Trandal - 02.07.2010 kl. 10:30

Gratulerer med løyvet! Skulle berre mangle.

Helge Strand - Flott! 03.07.2010 kl. 07:31

Heilt einig i det Ivar Svein skriv, men no får vi berre glede oss over noko som burde vere sjølvsagt frå kommunalt hald.
Dette vil bety meir liv i sentrum, men viktigast er det at Oddvar og Marit sine planar ikkje fra det som skal vere samarbeidspartnar, kommuna, vart hindra.
Skulle blott berre mangle!
Eg og mange er glade saman med dykk, Marit og Oddvar!

Skriv kommentar:
Logg inn for å kunne skrive kommentarar