Notanaustet har no fått ny vegg av gamle båtbord.
Artisten Guro Håvik, ein frontfigur frå Team Simone, skal framføre songar frå hennar nye CD. |
Festspeldiktaren i Notanaustet på Bjørke fredag 25. juni.
I år vert det ord og
tonar i det nyrestaurerte notanaustet på Bjørke. Festspeldiktar Rønnaug Kleiva
vil ta del med høgtlesing frå forfattarskapet sitt. Eit besøk til Bjørke og
Notanaustet denne fredagen vil gje publikum høve til å høyre festspeldiktaren i
ei heilt spesiel setting. For ikkje å snakke om dei vakre kulissane ein finn
ved fjorden på Bjørke. Rønnaug Kleiva har vakse opp på Vartdal, men dette er
kanskje fyrste gongen ho er på Bjørke.
Guro Håvik med sine
dyktige musikarar skal framføre songar frå hennar nye CD. Guro treng ikkje
nærare omtale, ho var ein av frontfigurane til Team Simone under Det store
korslaget no i vinter på Tv2. Ho i Høydalen, mest nabobygda til Bjørke, Guro er
flott døme på våre eigne som har vokse opp med nynorsken og som nyttar målet
sitt i utøving av sin kunst.
Notanaustet som kulturarena.
Fylkesmann Lovde Solholm skal stå for den offisielle opninga av Notanaustet |
Notanaustet på Bjørke vart mykje skada under orkanen i 1992. Etter mange år med forfall, tok Hjørundfjord kulturvernlag tak i arbeidet med restaurering av notanaustet. No er det ført tilbake på murane, det er lagt golv, veggane er nye, eller delvis av gamle båtbord og to notbåtar er komne på plass ilag med not. Notanaustet er eit grindebygg, difor vart ikkje sjølve konstruksjonen øydelagd. Naustet er det største notnaustet på Sunnmøre.
Fiske var viktig attåtnæring og dermed ein del av bygdekulturen, så notanaustet fortel ei historie i seg sjølv.
Kulturvernlaget ynskjer å nytte notanaustet i kultursamanheng, difor kan framveggen hektast av og naustet vert ei vakker utescene. Festspelkvelden den 25. juni vert den fyrste kulturkvelden etter restaureringa.
Offisiell opning av Fylkesmann Lodve Solholm.
Hjørundfjord kulturvernlag har fått støtte frå Kulturavdelinga på Fylket. Utan desse pengane, førti tusen kroner, hadde vi ikkje greidd å ta kostnaden med restaureringa, difor var valet på Fylkesmann Lodve Solholm naturleg når vi skulle velje ein offisiell person til å opne Notanaustet. Nettopp det at lag som driv frivilleg kultur og restaureringsarbeid får støtte, gir fantastiske ringverknadar i form at kulturminne som vert tekne vare på.
Einar Saure er ein god forteljar. Her er han i aksjon i Notanaustet under årsmøte til Hjørundfjord kulturvernlag 27.04.08
Einar Saure og Enok Kippersund.
Desse to er begge markante kulturpersonar, Einar fekk sist helg Hjørundfjord sogelag sin kulturpris, han vil fortelje historia til Notanaustet. Enok Kippersund er næraste nabo og ein dyktig tolkar av dikt, han vil få æra av å avslutte festspelkvelden i Notanaustet.
Fiskesuppe og Hjørundfjordbrød.
Det naturlege valet av mat var fiskesuppe og godt brød til. Fisken til den vert sjølvsagt fiska lokalt. Brødet til vert frakta ferskt frå bakeriet på Sæbø.
Kvelden i Notanaustet er ein del av det offisielle programmet i samband og i samarbeid med Dei Nynorske Festspela. Billettar kan kjøpast i Aasen-tunet og i Notanaustet same kvelden.
Det vert sett opp buss frå Sæbø via Ørsta og Volda til Bjørke.
Hjørundfjord kulturvernlag
Synnøve Rekkedal Hill
Kommentarar