Klikk på fotoa for å få dei i stor versjon.
Ein del vil vel hevde at det er eit slit å kome seg til topps på Nordre Sætretind. Slit eller ikkje slit - ein bør i alle høve ha med seg isøks. Og no, etter Kristi Himmelfartsdag, bør også alle mannfolk stille nydusja og med ein deodorant av høgste kvalitet - håpet er no nemleg at du kan treffe slike damer på toppen:
Er dette huldra på Nordre Sætretind?
Dessverre, eller heldigvis, denne kvinna er inga hulder. Namnet er Ma Liadal Ortiz, ho er fotograf av yrke og har atelier i Liadal, Ørsta. No veit eg, i alle høve etter ein artikkel i lokalavisa Møre-Nytt i går, at Ma har fått mykje merksemd etter denne turen som ho hadde til Nordre Sætretind. Det same har underskrivne fått, men eg har fått eit lite problem; fleire trur at dette fotoet ikkje er ekte - at det er manipulert på eit eller anna vis.
Men alle skigåarar i området kan ta det med ro - fotoet/fotoa er ekte. Kven veit, kanskje treff du på Ma, eller ei ekte hulder, i same området seinare? Lev i håpet. Eg tek med nokre foto til.
Og Ma rende også ned att på ski slik som oss andre. Ho forsvann ned Fladalen i elegante svingar - sjølvsagt med kjolen på.
Til slutt tek eg med ein av tilskodarane:
