- Eg vart så skuffa i dagmorgon når eg oppdaga at redningsbøya ved småbåthamna og skiltet som Andreas har laga til elverampe-stien var borte, sa vedkomande som ringte administrator i dag.
Redningsbøya hang i festa som var fastskrua på veggen til dette skuret som står ved småbåthamna på Sæbø.
-Men heldigvis fann vi att både skiltet og redningsbøya ved rasteplasen lenger framme, men skiltet har fått skade. Det har vore eit eller anna som har gått føre seg natt til søndag, for det ser ut som einkvan har gått frå den ein til den andre plassen og flytta på alt som har kome i vegen, som hærverk på redningsbøya på skuret ved hamna og flytta på rasteborda langs vegen og rive av det solide skiltet som var skrua på trêet. Skiltet har fått skade, men kan kanskje la seg reperarere.
Andreas Hustad har laga skilt langs turstien som var skrua på trêet. Han har lagt seg flid i å få eit enkelt og greit skilt, men ikkje alle har sansen for at det skal få stå i fred. Dette er trist og leit seier innringaren.
Lat vi få behalde dei godene vi i fellesskap har fått til, er bøna frå vedkomande som ville være anonym.