Små årskull og naturleg fråfall gjer at Sæbø I.L. slit med å stille lag i aldersbestemte klasser både i handball og fotball. Men for aldersgruppene fødd i 2000 og seinare ser det riktig lovande ut.
Laurdag stilte Sæbø med eit gutelag og eit jentelag i ei minihandballturnering i Sulahallen i Langevåg. Totalt 18 spelarar tok del i turneringa. Dei er fleire, men nokre måtte melde forfall grunna sjukdom.
Trenar Wenche terpar reglar like før kampstart.
Jentene er så mange (10) at det vert lite speletid på kvar enkelt når kampane varer i berre 15 minutt og dei ikkje får vere meir enn 5 spelarar på bana. Men dei treng å ha innbytarar og då vert det berre eitt lag.
Trass i lite speletid er jentene flinke. Laurdag vann dei to av tre kampar og den eine av kampane var rein utklassing! Kjekt å få følgje med på framgangen.
Blide jenter klar til å entre bana.
På tribuna over dei sit ein stor delegasjon foreldre, besteforeldre og sysken.
Handball er sosialt!
Gutane møtte ein del storvokste gutar i dag og sleit med å sleppe til som dei ville.
På begge laga til Sæbø varierer alderen på spelarane mykje. Dei yngste er fødd i 2002 og dei eldste i 1999.
Men gutane våre er ikkje lettskremde. Sjølv om dei tapte alle kampane sine var dei ved godt mot og var stolte av alle måla dei scora og ikkje minst av alle måla dei redda. Målskilnadane var ikkje store så gutane kjem nok snart etter med siger dei og.
Nokre korrigeringar og litt "pep-talk" må til etter ein kamp.
Korte kampar og lite speletid gir seg utslag i høg aktivitet mellom kampane.
Trenarane er flinke til å rettleie spelarane under kampane. Ein trenar på kvar side av bana er det god hjelp i.
Nokre gongar skjer ting som gjer at konsentrasjonen sviktar, men pytt...
Premieutdeling. Gullmedalje til alle!
Jentelaget med trenarane Elisabeth Å. Dimmen og Wenche Strand.
Gutelaget med trenar Åse-Lill Leknes. Martin Å. Dimmen er også trenar for gutelaget, men han var dommar i Ørstahallen i dag.
Alle spelarane hadde nye, fine drakter i dag.
Kommentarar
Supert med nye drakter til begge lag.
Bra vi har med presse som lagar slike fine reportasjar på portalen.
Vi gler oss med framgangen til begge lag, og gler oss til fleire kampar. Det er igrunnen utruleg at dei er så flinke ,med den lisje gymsalen dei trenar i på Sæbø... og det uten MÅL... dei må vi teipe på veggen... - medan andre lag vi spelar mot trenar i store fine hallar.
Elisabeth Å Dimmen
Ja vi hadde en kjemprkjekk dag i Sulahallen,takk til alle for det. Rekrutteringa er bra ser dokke men for at desse flinke ongane skal få fortsette med handball treng vi foreldre som stiller opp og tar i eit tak i handballgruppa:)Alle MÅ vi gjere vårt for at dette går i boks,sitt ikkje å vent på at andre skal gjere jobben som nettopp DU kan gjere! Sjå artikkelen fra Årsmøte i handballgruppa. Ditta e kjempe viktig!!!! Ring valnemda no!!!!