Fjellquiz

Framleis lite snø i fjellet, men til det kjem litt meir kan du i alle høve sjå på dei. Men kva heiter desse fjella?

Og vinnarane er: Hilde Sæbønes og Linn Straume... På foto ser vi Linn (nærast) og Hilde. Foto: Hilde Sæbønes

Under kjem det 10 fjell, vakre fjell, men kva heiter dei? Fjella finn du i Ørsta kommune og dei fleste vart fotograferte frå bilveg nokre få dagar før jul.

Vi har hjorundfjord.no - t-skjorter att, men ikkje i XL og XXL. Likevel dei enno vakre å sjå på og den som greier namnet på alle fjella under får to av desse t-skjortene. Med andre ord: The winner takes it all. Lukke til.

Foto 1 Foto 2

Foto 3 Foto 4

Foto 5 Foto 6

Foto 7 Foto 8

Foto 9 Foto 10

Som de ser, er ikkje foto nr. 10 teke frå nokon bilveg, men ein fin dag var dette. På foto 10 er spørsmålet: Kva heiter toppen i bakgrunnen?
Som sagt; den første som sender ein e-post med rett svar til denne adressa - knut.hustad@tussa.com med korrekt namn på alle 10 fjella får to hjorundfjord.no - t-skjorter.

Lagt inn av Knut Hustad
31.12.2009 01:04

Kommentarar

Knut Hustad - Lite klokt 31.12.2009 kl. 01:06

Eg ser at det var lite klokt å be om at svaret vert lagt igjen i kommentarfeltet - det vert for lett for dei som kjem etter. Send svaret til knut.hustad@tussa.com. Eg har allereie notert meg eitt svar.

Knut Hustad - Tre har svart til no 31.12.2009 kl. 16:43

Tre har avgitt svar til no. Slår eg saman desse tre svara finn eg dei rette namna på alle dei 10 fjella, men ingen har alle rett...
Det er med andre ord fullt mogleg å vinne t-skjorter enno. Det er og lov å rette seg sjølv. Send svar til den aktuelle e-postadressa.

Knut Hustad - Og vinnarane er: Hilde og Linn 01.01.2010 kl. 22:02

Endeleg damer! Hilde Sæbønes og dotter Linn Straume vart vinnarane av nyttårsquizen. Så fortent, så fortent.
Det var ikkje så mange som kom med svar til denne fjellquizen - trudde mange at den var vanskelegare enn den var? I første omgang var det tre som kom med svar. Hilde og Linn var raskt ute med svar - allereie timen etter at quizen var lagt ut kom dei med 8 av 10 rette svar. Så kom Helge Standal og Håvard Myklebust med gode alternativ, men ingen hadde alt rett i første omgang. Men så - i dag hadde Hilde og Linn prikka inn 10 rette og var først ute. Etter kvart kom også Svein Myhre og han prikka (sjølvsagt) inn 10 rette på direkten, men dessverre var han for seint ute. Her er dei ti rette svara til Hilde og Linn:
foto 1:Saudehornet
foto 2: Urkedalstindane
foto 3: Dalegubben
foto 4: Slogen
foto 5: Lisjedalshornet
foto 6:Vassdalstinden
foto 7: Storetinden
Foto 8: Elsandtindane
foto 9: Kjerringa
foto 10: Brekketindane (store brekketind)
Litt artig var det forresten at Hilde i første omgang bomma på Lisjedalshornet - eit horn ho ser opp til - til dagleg og eg veit også at ho går ufatteleg mykje i dette området. Brekketindane/Store Brekketind er fotografert frå Slogen sist sommar.
Men eg har og fått ny kunnskap. Helge Standal veit at Storetinden også heiter Krokfannfjellet, eller Gjuratinden som Svein nemner.
Elles må eg for eigen del nemne at eg slett ikkje brukar å ha nyttårsforsett, men det hadde no vore kjekt å vore bort til Bikkehella på Elsandtinden i løpet av året. Får sjå om eg ikkje får henge meg på svigerson Fred Ingar, eller ein annan... I alle fall - alle dei ti toppane er vakre fjell - ikkje sant?
Gratulerer til Hilde og Linn. Send meg ein e-post om t-skjorte-størrelse og evt. unskje om farge.
P.s.: Eg skal prøve å snikre saman ein ny quiz - med nokre rarietetar. Kanskje allerei til i morgon, men eg vil gje beskjed litt før. Kanskje vert det meir t-skjorter å få?

Skriv kommentar:
Logg inn for å kunne skrive kommentarar