Daffa (Dagfinn Strand) har aldri hatt det betre som Aafk-patriot enn no i haust. Etter smilet hans å døme skal han lage søte kaker heilt fram til jul. I alle høve - fredag den 4. desember klokka 10 opnar han og Fru Nutte (Kanutte Strand) igjen dørene til bakeriet og kafeen på Sæbø.
Nutte vil ha ferske brød og andre bakervarer kvar dag. I tillegg kjem småkakene av alle slag.
Daffa vil heilt sikkert lage gode og søte kaker, men han vil sjølvsagt lage det han har blitt så kjend for - dvs. kvalitetsbrød steikt i steinomn. I tillegg kjem julebrød, skulebollar, wienerbrød, timpe... Ja, han vil lage alle dei gode sortane. Men vi går som nemnt mot jul og vil Nutte og Daffa lage julekaker av alle slag. Nemnde eg kransekakene?
Opningstider: 10 - 1630 på kvardagar, 10 - 1400 på laurdagar.
Nutte vil stå bak disken og ho tek gjerne mot gjestar i kafeen. Kaffi vert å få kjøpt.
Nutte og Daffa ynskjer alle velkomne til handel og hygge.
Kommentarar