Bilete fra National Geographic

Eg trur dei fleste som har tankar om temaet i Hjørundfjorden er einige i at småskala turisme er vegen å gå. Det syner innlegga her på portalen.
Kopi av Geiranger er ikkje ønskjeleg.
Eva har heilt rett. Den type turist som legg att mest til lokalsamfunna våre er dei ho nemner.
Samstundes må vi være klar over kva for ein konkurranse det er; såvel lokalt, nasjonalt som globalt.
For å vere tiltrekkjande må vi kanskje ha noko ekstra, som verkeleg gjev ringverknadar.
Per Urke kjem med mange gode framlegg. Gondolbane på Saksa er eitt av dei, likeeins cruise-hamn på Urke.
Dristige tankar, men realiserbare.
Korleis skal ei slik spenstigheit vere i samsvar med den "kontrollerbare" turismen i fjorden vår....?
Ei spørsmålstilling som kan verte aktuell før vi "veit ordet av det..."
Jmfr. planar om veg til Skårasalen.
Eg tillet meg avslutningsvis å kome inn på det Einar Arve nemner.
Vi kan faktisk kome i ein situasjon der oppdrettsanlegg vert fjerna frå Vartdalsfjorden, og Hjørundfjorden ligg lageleg til.
Om eller når eit initiativ vert teke frå Ørstaelva/fjorden med sin nasjonalstatus, kan det krevjast fjerning av anlegg slik at smolt frå nasjonalelva har fritt leide til havs gjennom Breisundet.
Det ligg nedfellt i førestnadane.
Kva meining er det elles i status "nasjonal laksefjord/elv" for å verne villaksen?
Det heiter seg at i ein slik fjord "skal det ikkje opprettest nye oppdrettsanlegg, mens eksisterende på sikt skal vekk....."
Hjørundfjorden vart frårøve ei slik moglegheit. Desverre.
Einar Arve!
Eg er ingen ekstrem motstandar mot oppdrett. Sjølv eg ser betydninga det har for Norge.
Det eg imidlertid til dei grader er imot er at anlegg vert lagt inn i fjordsystem med så mykje villaks/aure som i Storfjorden.
Oppdrett og villaks/aure går ikkje saman.....!
Vi har ei kyststripe og fjordsystem med ingen noverande og framtidig motsetnad, om vi ønskjer det.
Diverre vart miljø/villaks/aure-interessentar teke på senga når avgjerdsla vart teke.
Du har rett, Einar Arve, politikarane er det som tek avgjerslene.
Ei lovleg næring med imidlertid så mykje miljømessig ulovlegheit.
Sjølv oppdrettskongen Fredriksen gav i eit intervju med ei lokalavisa i Alta attende eit par år klart uttrykk for at oppdrettsanlegg ikkje burde leggjast i fjordar med lakseførande vassdrag.
Han hadde då nettt landa ein stor laks. Sjølv han fekk då kjensla.....
"Ikkje alt kan målast i pengar."

Er fjella og fjorden. Mulighetene til å kunne bruke fjella til turar, fiske og bading i fjorden.
Cruise turistane kjem inn med båt, snur og reiser tilbake. Om dei går på land vil det være på Øye, for å gå ombord i bussar og bli kjørt gjennom Norangdalen til Hellesylt og videre til Geiranger der dei går ombord i båten igjen.
Dei legg att fint lite, gir jobb til en busssjofør og kanskje litt anna.
Bussturar gir meir i form av overnatting på hotellet, og derved stilingar der. Om dei legg att så mykje anna vil vel være varierende.
Men positivt med tanke på å oppretthalde hotellet.
Om ein skal satse på turistar som brukar facilitetane må det være "småskalaturisme" som vel er betegnelsen på turistar som kjem åleine eller i små grupper.
Det er dei som bestiller hotellrom for ei veke, eller campinghytte. Det er dei som er på Bondalseidet skisenter og kjøper dagskort gjennom helga eller påska. Handlar på Strands Bakeri og Bellingen / Slettedal. Legg att pengar altså :-)
Dei tek seg fram på eigahand. Derfor er lokale kart, godt merka løyper og skikkelig skilting viktig. Det er også den gruppa som gjeng på fjellturar, vil verte framtidige brukarar av Hjørundfjordråsa og andre aktivitetstilbod.
Las i Møre Nytt for ei tid tilbake at det er tilsett en som jobber for turisme i Hjørundfjorden. Skikkelig bra. Trur nok forslaga som har komt fram om å få egen turistsjef vil være veldig positivt. Det er mykje ein kan få gjort på dugnad, men det har si begrensing og.
Går det an å få støtte frå Innovasjon Norge eller andre stadar til ei slik stilling?
Kan det være mulig å få dei som studerer arealplanlegging (eller liknande fag) utforme Hjørundfjordråsa i samarbeid med lokale krefter?
Er det forskningsprosjekt på gang i forhold til villaksen som det er aktuelt å få med Bondalselva / Hjørundfjorden på?
Det vil sjølvsagt bidra positivt til framgong om ein kan nyttiggjere seg slike muligheter, men det vil og kreve opfølging og kontinuitet i kontaktperson. Er det rimeleg å forvetne at nokon skal ta på seg det som frivillig arbeid?

Eg registrerer at National Geographic meiner det samme som fleire av debattantane i denne artikkelen. Det blir åtvara mot "masseturisme" og det bør være ein rettesnor i utviklingsarbeidet vidare. No er det heilt klart for dei fleste at masseturisme kjem ikkje av seg sjølv, det må være fordi nokon arbeider intenst for å få det, om så skulle skje. Eg er heilt enig med Helge at oppdrettsnæring ikkje korresponderer med dei verdiar mange av oss tilkjennegir, men det er fortsatt ei lovleg næring. Enten så er vi heilt i mot, eller så er vi med på å ta "kostnaden". Det vil være feil om vi godtek at eksempelvis Vartdalsfjorden kan ureinast frå oppdrettsnæringa, men ikkje vår eigen fjord. Eg er personleg i mot oppdrett av laks i si noværande form, men motstand mot sjølve næringa bør siktast mot dei politikarar som legg rammene for den slags næringsverksemd.

Det som hadde vore fint var om vi kunne einast om utvikling vidare for turisme i hjørundfjorden.

Jeg bet meg spesiellt merke i et av argumenta for å gi "det norske fjordlandskapet" en slik status.
Det understrekest at "bærekraftig utvikling/forvaltning blir ivaretatt.
Blir det imidlertid det...?
Med knapt et ord blir nevnt ei næring som ikke er bærekraftig i fjorden våre.
For å fremprodusere 1 kg fisk trengst opp mot 3 kg for fra villfisk.
Hava støvsugest mer og mer for å tilfredsstille behovet. Bærekraftig?
Samtidig blir fjordene forurenset av forrester og dritt. Bærekraftig?
Våre laks og ørretelver blir ødelagt av rømt oppdrettfisk og lakselus. Bærekraftig?
Det estetiske, visuelle er det som blir vektlagt. Det er greitt nok, men kanskje bør en ha i tankene det som "feiest under teppet....?"

Når det gjelde å få ut i verda kva vi har å tilby er eg enig med Anette her. Trur hverken vi som bruker fjorden mest som ein stad å besøke, eller dei som bur der er tente med å få ein masseturisme lik den dei har t.d. i Geiranger. Veit om eit tilfelle der ein lokal ung mann ville kjøpe eit gamalt hus som var til salgs, men når budrunda passerte 2.5 million var det berre rike hyttefolk som var att å bydde på huset som trengte betydelig oppussing. Slikt blir det ikkje levande bygder av, og det er nettopp det med ein levande fjord og det genuine som er Hjørundfjorden sitt pluss enn så lenge.. Desverre er det ikkje så lett for dei som går som kjeringa mot straumen og buset seg i fjorden no for tida og freistar å halde fjorden i live. Elles er det vel i dag at fjorden kjem på TVN på 71 grader nord, noko som garantert trekker til seg akkurat den type turistar fjorden treng trur eg.

...eg er såkalt "grekofil"; dvs at eg har Hellas som mitt "andre" heimland; det er noko med atmosfæra og stemninga, luktene, synsinntrykka og ikkje mins menneska som gjer at eg kjem tilbake år etter år. No er det ikkje slik at eg vêl Kreta eller Kos eller Rhodos eller Samos som mitt reisemål, men heller små øyer som Iraklia, Schinoussa, Sikinos, Dounoussa, Kofounissi....små øyer med mellom 100 til 200 innbyggara på kvar øy. Kvifor? Jau, for å oppleve det genuine, noko anna enn turisttrakk, fulle svenskar, gnine tyskarar og oppstasa italienara;)Det vi set pris på når vi reiser til desse småøyene, er inntrykket av at vi er på ein plass som har særpreg, eigen kultur og tradisjon som nett er spesielt for DENNE øya. Det eg trur ein må satse på i Hjørundfjorden er nettopp dette genuine; noko som ingen andre har. Ikkje lag veg til Skårasalen! Sats på gode opplevingar; havfiske etter ål, fjellklatring, "Fra tind til tare", dykking i Lygnstøylvatnet, kortreistmat(kjekjøt er i verdsklasse), gardsturisme, vær med på å plukke eigne bær(JA, det er eksotisk for ein sør-Europear), slå gras på gamlemåten, hopp i høyet (!), slapp av og nyt livet! God skilting på tysk, engelsk, spansk og evt fransk er nødvendig; da føler du at du vert verdsatt som turist når du kjem til ein ny plass. Ikkje gjer det så komplisert, det enkle er oftast det beste!

Det er mange ting som kan gjerast bedre, og eg er einig i at informasjonen kan bli bedre, allikevel ser eg at mange turistar velger å ta turen til oss.
Eg etterlyser eigentleg også eit veivalg, skal vi satse på Cruiseturistar,eller dei som tek seg hit med andre kommunikasjonsmiddel, Cruiseturistane legg eigentleg ikkje igjen så mykje pengar, men dei sørger for sysselseting i transport og servicenæringa. Det vil vidare sannsynlegvis bety at "overskuddet" ikkje kjem på lokale hender, slik dei opplever i Geiranger til ei viss grad.
Det er slik at alle turistmål må marknadsføre sitt særpreg, og særpreget vårt er vakker natur og stillheit, eg personleg meiner at vi ikkje skal gå for mykje på akkord med stillheita og den ro våre gjester søkjer her.

Det er gjort ein god del dei siste åra, men mykje står att.Spesielt på informasjonssida er det mange som har fått augene opp for at det er viktig. Eg kan her nemne informasjonskiosk på Urke og ei betre skilting i bygda. Kor mange veit at det er eit bjørnehi i Leknesdalen? Er det ein attraksjon? Ei felles og regelmessig guideordning for Hjørundfjorden kunne vere noko å tenke på. Både i bygdene og på fjellet.
Det er laga turkart for Norangsdalen, men det burde vore fleire også med vinterløyper?
Å besøke Urke med båt er mykje betre no enn berre for kort tid sidan.Utleigeordningar kunne det vore fleire av. Det vil gjere tilbodet til turistane betre. Nokre småting dette her. Dei store prosjekta får kome noko seinare.

Det er eigentleg det viktigaste spørsmålet. Eg trur kanskje at ein del av befolkninga er nøgde med å leve å ha denne perla "for seg sjølv". Når det gjeld utvikling er det nok dei som har,eller vil gjerne ha ei inntekt frå turisme som bør ta seg av turismeutviklinga i samarbeid med utviklingsorganisasjonen Eva nemnde . Andre stader i landet hadde det vore naturlig at kommuna deltok i utviklingsarbeidet. Men mitt, og mange med meg sitt inntrykk er at i Ørsta skal utviklinga skje i sentrum for at kommuna skal forsøke å få igjen alle dei titals millionane dei har lagt ut i meir eller mindre feilslåtte invisteringar.
For all del, når det gjeld lokalbefolkning så bidreg veldig mange alt i dag, tenk på alle som held kulturlandskapet i hevd, samt alle dei som driv med utleige i kombinasjon, eller i enkelte tilfelle i staden for gardsdrift. Eg synes i det heile at her skjer mykje utvikling, sjå berre på Rekkedal Gjestegard si utvikling, Christian Gaard har vel konstant bygd ut lenge, hotellet på Øye står framfor ei storstilt utbygging, med kanskje opp i mot 20 heilårs arbeidsplassar, tenk kva det vil ha å seie. Eg er ikkje enig i at det ikkje er utvikling når det gjeld turisme, men at aktørane ror eit nes i gongen må vi berre ha respekt for

National Geographic seier Hjørundfjorden er vakrast i verda. Hotell Union er kåra som eit av verdas vakraste hotell i ei anna kåring. også den er på Facebook. Ein tredje filmsnutt som ligg der er Hjørundfjorden,ein filmsnutt som viser alle dei flotte fjella kring fjroden.

Alle 3 filmsnuttane viser nok heilt spesielt, noko eineståande som kun finst i Hjørundfjorden.

Las i Møre Nytt for ei tid tilbake at der er tilsett ein som skal promotere Hjørundfjorden.

Vonar det kan være eit steg i rett lei, og at ein kan få til meir for å få opp turismen.

Slik det er i dag kjem turistane, men tilboda manglar. Eller dei er der, men det er ikkje gjort tilstrekkelig til å opplyse om det. Konsekvensen er at kun dei innvidde lokale veit om det, men turistane finn det ikkje.

Trur nok Helge har heilt rett når han seier at folk ventar på at sidemannen skal ordne opp. Men skal ein nyttiggjere seg all den gratis reklama ein får bl.a. ved disse kåringane, må det nok ein dugnad til.

Og igjen - det er mange kreative sjeler frå Hjørundfjoren, eller bygdene rundt Hjørundfjorden er vel rettare å sei. Kva med å få til ei forslagskasse på portalen, der folk kan legge inn forslag til aktivitetar / tiltak som kan bidra til å gjere bygdene rundt Hjørundfjoden ein meir levande stad? Og for at dei som ikkje er "på nett" også skal få legge inn forslag - ei forlagskasse på Bellingen eller Slettedal?

Og så må en la det gå sport i å være mest mogleg kreative:-)))

Det du skriv er det mykje sant i, Svein J. Urke.
Eg har ofte tenkt det same.
Kanskje er det for mykje slik at Hjørundfjordingen
reknar med at "sidemannen" ordnar opp, og når det vert freista, så er det gale.....
Hjørundfjorden si framtid er turisme. Då må vi einheitleg gå saman om å verne Hjørundfjorden for inngrep/overgrep, vere seg over eller under vassflata.
Ikkje minst må det i Hjørundfjorden skapast ei sterkare samkjensle. Ein fjord under eitt, og i fellesskap.
Sit ein kvar for seg på Trandal, Standal, Sæbø, Urke/Øye og på Viddal/Bjørke og kjempar for sitt, skapast ikkje samkjensle, men ei meir "fråkjensle."
I ettermiddag var eg i nærleiken av hotellet på Sæbø. Det var tomt, stengt.
Det vakre hotellet som ligg i strandkanten og "higer" etter besøk..
Sjølv var eg og eit par andre på tur i den vakre Hjørundfjorden pr. båt, og undrande(?) konstanterte at det einaste liv på fjorden i tillegg til oss frå Standal til Sæbø var ein stim med makrell....
Det er andre gongen National Geographic kårar fjordane på vår kant som verdsas fremste reisemål.
Diverre synast det at vi Hjørundfjordingar er nøgde med det...
"Small talk" på bl.a facebook er meir fengande enn debatt her på portalen. Det må vi nok fastslå, Svein!

Her burde det eigentlig vere fullt av kommentarar som gjekk på det å utvikle Hjørundfjorden som turistmål. Det er litt skuffande at desse uteblir og kan tyde på at Hjørundfjordingane ikkje forstår kva gullklump dei sit på og endåmindre er i stand til å utvikle.