Pressestøtta og lokalavisa

Kallar med dette på redaktør i Møre-Nytt, Rune Sæbønes: Ser at pressestøtta er under press(!). For min del oppfattar eg det slik at pressestøtta er viktig for å halde oppe (også)lokalavisene. Har du ein kommentar til dette? Snakka med ein annan som skriv i ei anna lokalavis i vår region. Vedkomande hevda at pressestøtta er eit absolutt vilkår for å kunne halde "hans" lokalavis gåande.

Lagt inn av Enok Kippersund
19.08.2009 11:21

Kommentarar

Rune Sæbønes - Nynorsk 20.08.2009 kl. 22:17

Hei Enok. Eg har mange meiningar og argument for pressestøtta. Her skal eg ta berre eitt, og det er nynorsken. Pressestøtta er svært viktig for mange fådagarsaviser. Dei fleste av desse er på Vestlandet, og dei vert publiserte på nynorsk. Eg tør hevde at lokalaviser er kanskje den viktigaste nynorskbrukaren i landet. For nynorsk som eit dagleg bruksspråk, vil ei fjerning av pressestøtta vere ein katastrofe.

Likevel trur eg du kan vere ganske roleg. Uansett kva regjering vi får, er det eit fleirtal i Stortinget for pressestøtta. Ho vert ikkje fjerna.

Enok Kippersund - Bra å høyre! 21.08.2009 kl. 11:44

Takk for svar, Rune! - I ein merkeleg debatt på ei "urban" avis vart det hevda opp att og opp att at pressestøtta var "vridd" fordi ho gjekk til aviser på venstresida. Vil ei avis på nynorsk seie at denne avisa er på venstresida? Eg fekk passet påskrive om at eg ikkje måtte kome og "fortelje eventyr om lokalpressa".

Skriv kommentar:
Logg inn for å kunne skrive kommentarar