Med 10. klasse på tur til Polen 1

Turen starta frå Sæbø med siste ferga frå Sæbø fredag 12. juni. 13 elevar, 2 lærarar og 2 foreldre var med og der var akkurat plass i IL bussen som vi leigde for turen til Oslo.

Etter ei heller lang natt på bussen var vi klare for frukost på Hotel Opera etter ankomst Oslo kl. 06.30. Tore hadde ordna så vi fekk smøre niste også, så då var vi klare for neste etappe som var saman med Flåtestad skole.

På operataket mens vi ventar på at klokka skal gå...

Elevane i 10. klasse. Framme f.v., Else Marie Stokke, Anita Hurlen Aklestad og Emilie Cathrin Skår Ville.
F.v. bak, Hanne Stokke, Rakel Frøland, Rebekka Skylstad, Tommy Åmås Midtflå, Karl-Erik Sæbønes, Henning Solvåg, Jon-Martin Mo og Bjørnar Holen.
Heilt bak Martin Luan Vasseth Håndlykken og Martin Årseth Dimmen.

Ikkje alle er trøytte, eller så er dei overtrøytte...
Emilie og Martin.

Til ære for fotagraf Hanne. Ho har teke mesteparten av bilda vi brukar her.

Ein komande modell? Martin

Heidi Aambakk, tidsvitne Ingemund Midttveit, Martinus Riise og Tore Stokke.

Flåtestad skole der vi møtte 15 elevar, lærar og foreldre som vi skal reise saman med. Litt spennande sjølvsagt, sjølv om mange har vore i kontakt gjennom internett dei siste vekene.

Her blir IL bussen for liten og vi let han få kvile til heimturen.

Dei fleste ser trøytte ut bortsett frå Else Marie som er full av energi..
F.v. Anita, Jon-Martin, Bjørnar, Else Marie, Tommy, Martin Luan, Karl-Erik, Martin og Henning.

Og vi går over til større forhold..

Bussjåfør Morten Lesteberg og reiseleiar Øystein Sørensen ønskar velkomne ombord og informerar om turen.
Desse to sytte for at vi hadde ein fantastisk fin tur!

Mange var trøytte og tok seg ein liten dubb på bussen...
Tore og Martinus.

Etter å ha brukt eit heilt døgn på reisefot var vi endeleg framme i Trelleborg kl. 19.45 laurdag 13.
Men det føltes ikkje ut som det var så lenge fordi Øystein var flink å nytte tida. Vi fekk informasjon og undervisning på bussen så vi skulle vere forberedt på kva som møtte oss i Polen.

Etter ein sein middag ombord i båten var det berre å ta natt for ny busstur dagen etter.

Neste morgon var det vekking kl. 06.00 og frukost kl. 06.30.

Rostock 14. juni kl. 07.16 stod heile gjengen klar for påstigning på bussen og eit blidt god morgen med sangen "Guten Morgen" og ei dikt frå reiseleiaren.

Etter å ha køyrt gjennom Berlin kryssa vi grensa til Polen utpå føremiddagen.
Vårt første måltid i Polen der det vart servert suppe og snitsel.

Eit typisk Polsk landskap. Etterkvart som vi kom lenger inn i landet vart det flatare, Polen tyder flat.

Kl. 19.30 var vi på plass på hotellet og etter middagen var vi klare for ein liten tur på torget i Krakow.

Mykje å sjå og fotografen er på plass! Anita, Emilie, Hanne og Rakel.

Fint ver og ein god kaffekopp (ikkje så veldig god...), klokka er 22.10 og livet er herlig!
Ingemund, Heidi, Martinus, Øystein, Tore og Morten.

Mandagen skal brukast på omvisning i konsentrasjonsleirane Auschwitz I og II.

Fortsettelse kjem i morgon!