Huset mitt er 100 år i år og eg føler eit ansvar for å ta vare på denne historia og dele den med generasjonar etter oss.
Då eg overtok huset sette eg meg sjølvsagt inn i gjeldande reguleringsplan. Huset vart regulert vekk i 1975 til fordel for breiare veg ut til neset. Planen vart revidert i 1997, og er slik vi kjenner den i dag. Dette er altså ikkje nytt for meg.
Men eg syns det er spesielt at ISMo, leiar av HB skriv at reguleringsplanen i Sandvika er av nyare dato? Han skriv: "Denne reguleringa er ikkje over ti år og er gjeldande i dag, og etter det vi kan forstå så skal Willehuset vekk pga. vegen, enten ferjekaia kjeme i Sandvika eller på Sæbøøyrane."
Dette stemmer altså ikkje. Ein kunne kanskje vente at leiaren av HB set seg inn i reguleringsplanane.
Planen har passert 10 år. Det betyr at Kommuna ikkje berre kan ekspropiere, men at eg har full klagerett. Elles har eg ein god dialog med Ørsta Kommune, der vi ser på løysingar for å bevare huset, når den tid kjem.
Eg ser at ISMo er bekymra for gjesteparkering på Sæbø. På fine sommardagar er der stor biltrafikk til badestranda, nausta og Kapteinskvia. Legg ein ferjekaia til Sandvika ryk dei gjesteparkeringsplassane vi har, og vi sit at med 6-7 parkeringsplassar utom badestranda. Det vil eg tru er for knapt!
Vegvesenet ser nok konflikta mellom ferjekaia og badestranda / naustrekka. Difor har dei som ei naudløysing flytta kaia 20 meter mot gamle Årseth huset. Men eg er redd badeplassen likevel vert plaga om kaia ligg i Sandvika ca 45 grader mot land.
Fleire her på portalen har kome med innspel om å vri kaia meir mot Lekneset.
Eg snakka med Vegvesenet i dag. Dei hadde ein representant på Sæbø i går. Og eg er glad for at dei såg på begge alternativa.
Eg snakka med dei om muligheita for å vri kaia 90 grader på land. Det er ikkje umulig, men dei må i tilfelle prøvebore denne vinkelen også. I tilfelle syns eg ein kan slå to fluger i ein smekk og prøvebore på Sæbøøyrane også.
Slik det ser ut i skrivande stund kan det sjå ut som tomta mi ned mot sjøen går fri. Denne tomta vart regulert til reperasjonsverkstad i 1975.
ISMo skriv i sin siste kommentar føljande: "Det gamle næringsbygget, Frølandsbuda, som står nedom vegen i strandsona kan ein nok ikkje rekne med vert gjort bruksendring på, slik det kan brukast som bustad."
Eg trur alle ser at planar ein la for 34 år sidan ikkje er samanfallande med det vi tenker i dag. Difor stiller eg meg undrande til ISMo sin pessimisme på mine vegne.
Næringsbygg og ferjekai er ikkje noko ein legg til eit rekreasjonsområde. Det vil øydelegge idyllen i Sandvika.
Sandvika - rekreasjonsområde
Eg ser at fleire refererer til Wille huset i debatten om reguleringsplanen for Sæbø. Det er eg sjølvsagt glad for, men eg syns der er mange fine hus i Sandvika, som er med på å skape dette spesielle miljøet.
Lagt inn av
Svanhild B. Wille
19.02.2009 21:34
19.02.2009 21:34
Stikkord
Stikkord gjer det lettare å finne fram til stoff som er i ditt interesseområde. Du kan trykkje på eit stikkord for å få fram innlegg som omhandlar temaet.
Kommentarar
Skulle ønske slikt kunne spares midt i Sæbø sin fornyelsesprosess.
Er det mulig å få hjelp fra en landskapsarkitekt til å se helheten og legge grunnlaget for et mer trivselsskapende miljø?Utgangspunktet er i alle fall fantastisk.
-Dette må være en umulig jobb for dem som bor der uten drahjelp utenfra.
No veit folk at ein har mulighet til å delta i prosessen, og at det er heilt akseptabelt at ein gjer det. Det er kjenneteiknet på godt demokrati.
At familien Wille ikkje ynskjer å miste huset sitt er vel noko alle kan forstå. Dersom du ikkje forstår det, så bruk 2 minutt på å tenke "kva om det var mitt hus - kva ville eg ha gjort då?"
Eg trur svaret vil være "alt eg kan for å forhindre at det skal skje...."
Det same gjeld dei som ser at nærmiljøet deira vert forringa av endringar. Klart ein ikkje ynskjer det. Og klart at ein har lov å protestere og freista få alternative løysingar med i vurderingane.
Og det må være lov å forvente at alle rundt ein har respekt for det. Det er lett å sei at dei skal slutte å bråke - men hadde de gjort det om de var deg det gjalgt?
"Du skal ikke tåle så inderleg vel den urett som ikkje rammer deg selv" sa Arnulf Øverland.
Og er ein sunn debatt om framtidig planløysing på Sæbø så farleg at folk ikkje skal få være deltagande om det som skjer med eigendommane deira? Vil det ikkje være mykje bedre om alle med forslag til løysingar sette seg ned og laga tegningar, eller gode beskrivelsar av sine mulig løysingar, så kan ein samle dei og ut i frå det ha nøytrale auge som ser på forslaga og lagar eit par modellar ut i fra innkomne forslag?
Det er tross alt ein planløysing folk skal bo i framover....
Det verste som kan skje er at det står i avisa at vi har planer slik og slik og at noko les det for første gang i Møre Nytt.
Då kan saka stoppe opp.
Sjølv om en grunneigar bur i Oslo så husk å ta han med i planen.
Man må¨og huske på retter folk har.
Det kan vere gamle retter som blei bestemt for 100 år siden som ennå er gjeldene.
Husk det gamle ordtaket.
Ei lita tue kan velte eit stort lass.