![]() |
"Dette er ikkje skamlaust" sa oppsynsmannen |
Den 21.03.07 tok Hjørundfjord bygdemobilisering intiativ til ei synfaring på Sæbø ilag med Vegvesenet og Ørsta kommune. Både kommuna og HB har venta tolmodigt på ein vegprofil gjennom sentrum for å kunne ta stilling til kva alternativ det skal jobbast vidare med. Etter mange purringar og kontakt med kommuna, Vegvesenet og politikarar, har vi gjort dei oppmerksam på kva slags tilstand ferjekaie er i, der har vi ikkje lagt skjul på at det hastar å få på plass ei ny kai. I dag kom gladmeldinga om no skal det skje noko, etter at toppleiinga i Vegvesenet har vore på synfaring på Sæbø. Etter det vi har høyrdt hadde oppsynsmann Arne Hoem uttrykt "at dette er ikkje skamlaust", når han såg kva tilstand ferjekaia var i .
I den siste tida har det vore grunnboring på Sæbø og etter det vi forstår så er det funne god grunnforhold for å bygge kai i Sandvika. Den gamle reguleringsplanen er frå fyrst på 90 talet og ein må nok rekne med at enkelte detaljar må ein gå ei ny runde med til dei involverte partar, for å få saka i hamn. Det vart gjort vedtak i dag om at Vegvesenet tek opp den gjeldande reguleringsplan og tilpassar den med ny ferjekai. Då reknar vi med at vegen fram til kaia gjennom sentrum vert opprusta, med gangveg og fortau.
Ferjekaia er innteikna på skrå mot Sandvikområdet og denne vinklinga har vi høyrdt vart gjort for å imøtekome ei klage frå den gong det nybygde hotellet ikkje skulle få ferjebårer innmot seg. Seinare vart det bygt molo framfor hotellet og det er no uaktuelt å ta hensyn til hotellet, og dermed meinar vi at kaia kan vinklast meir mot Lekneset. Etter dagens planar vil HB bruke si røyst ilag med planavdelinga i Ø.K. og påvirka plasseringa av kaia, slik den ikkje kjem i konflikt med Skondalselva, nausta og badestrandområdet.
Arbeidet som no skal skje er utarbeiding av eit planforslag som skal sendast ut og Vegvesenet vil ta kontakt med grunneigarane og deira naboar, som vert involverte i den komande utbygging. Vegvesenet håpar dette vil gå greit og at planen er klar i løpet av 2009 og kan settast til bygging snarast råd.
Utsnitt av reguleringsplan for ny ferjekai på Sæbø.
HB.ser på dette som ei skikkeleg gladmelding og det er akkurat dette som no skulle til for å få noko til å skje på Sæbø. Med dette vert det ein skikkeleg tettstadopprustning for Sæbø som kan gi ein ny giv.
Kommentarar
Mvh.
Per Stein Straume
Uansett, eg vil både gratulere og takke alle dykk i bygdemobililseringa. Det har vore ein tung kamp å kjempe dette, men endeleg ga arbeidet resultat. Det er nesten slik at eg ikkje trur det er sant.
No håpar eg politikarane tenkjer fort. God natt
står det.
Hjørundfjord bygdemobilisering
Eg skjønar at Bygdemobiliseringa kan vise til positive resultat i arbeidet sitt for bygdene rundt Hjørundfjorden. Så lenge alle er einige i prosjekta, ser det ut til at ei slik pressgruppe /interessegruppe fungerer godt.
Men i vanskelege saker, der meiningane er delte, som i saka om plassering av ny ferjekai på Sæbø, verkar det som HB ikkje heilt har fått med seg dei mest grunnleggande reglane for god saksbehandling og demokratisk framgangsmåte. Dette inntrykket har eg fått gjennom å lese innlegga til leiaren i HB, Ivar Svein Mo.
I. S. M. skriv: «Den gamle reguleringsplanen er frå fyrst på 90-talet og ein må nok rekne med at enkelte detaljar må ein gå ei ny runde med til dei involverte partar, for å få saka i hamn. Det vart gjort vedtak i dag om at Vegvesenet tek opp den gjeldande reguleringsplanen og tilpassar den med ny ferjekai.» Underforstått i Sandvika.
Eg har sjølv teke kontakt med planleggaren i Ørsta kommune. Han seier tvert om at etter Plan- og bygningslova skal alle sider høyrast. At innspel til alternativ plassering vert teke imot med takk. At Ørsta kommune skal ha ein demokratisk prosess om plassering av ny ferjekai, og at vi som jobbar med alternativ plassering skal halde fram arbeidet vårt med å påverke!
Ja, Ørsta kommune må ta full runde med nye naboar og det kan ta noko tid, men så lenge eksisterande reguleringsplan har passert 10 år, må kommunen ta ei ny runde med naboane i Sandvika også. Sidan denne planen vart vedteken, er der nye eigarar i fleire av dei husa som blir mest råka. Så utfallet her er ikkje gitt.
Men det grovaste utspelet frå Ivar Svein Moe er dette:
«Kva med parkeringsplassen på Sjukeheimen? Kanskje kan eit rasert uteområde rundt Sjukeheimen verte spikaren i kista for denne livsviktige arbeidsplassen i Hjørundfjorden.»
Her insinuerer I. S. M. at vi som arbeider for alternativ plassering av ferjekaia set arbeidsplassane på sjukeheimen i fare. Alle med vanleg gangsyn skjønar at ein slik påstand manglar rot i verkelegheita!
Å bruke slike usaklege påstandar i ein debatt vert gjerne kalla
hersketeknikk, som har til føremål å sverte og skreme ein motstandar til å teie. Her stiller eg spørsmålet om alle i Bygdemobiliseringa stiller seg bak slike utspel?
Eg synest det er eit tankekors at vi sit her nede og tek imot telefonar og mailar frå meiningsfeller som føler seg overkøyrde. Som får høyre at det vil ta minst 10 år om ein går for ei ny plassering av ferjekaia i reguleringsplanen!
Denne påstanden vart også avkrefta i samtalen min med planleggaren i Ørsta!
Når ein ser at lokalbefolkninga i aukande grad ønsker ein revidert reguleringsplan, er ikkje det noko anna enn å følgje opp ein av intensjonane med plan- og bygningslova. Dvs. at plansystemet ikkje skal vere noko statisk og evigvarande, men eit verkty for tilpassing og utforming av lokalsamfunnet etter som behov og erkjenning endrar seg. Og hugs, ein meir enn 10 år gammal plan har for lengst gått ut på dato og er overmoden for revisjon.
I denne situasjonen skal ikkje ein samfunnstenande organisasjon som Bygdeutviklinga frå dag ein låse seg til eitt alternativ og mobilisere all verda med prestisje for å få gjennom dette. I ein god planprosess vil det vere heilt nødvendig å greie ut fleire alternativ. Det bidrar til eit godt fagleg resultat samstundes som det er med på å oppfylle kravet i lova om
demokratisk behandling.
Her bør det vere rom for at H. B. tek ein intern diskusjon om rolla si i denne plansaka.
Det er sjølvsagt ikkje tvil om at det er dei folkevalde politikarane som skal ha det siste ordet i denne saka. Eg trur det ville vere ein fordel for planprosessen at også representantar for dei folkevalde frå Hjørundfjorden kjem på banen. For desse, som skal gjere det endelege vedtaket, må det vel vere viktig at flest muleg av vanlege folk engasjerer seg og gjer meiningane sine gjeldande?
Til slutt vil eg berre, så sterkt eg kan, oppmode vanlege folk med meiningar om å stå på i dette viktige arbeidet for ein best muleg reguleringsplan for Sæbø.
Først Våge, les det som vert skreve. Det er ikkje privatpersonen Ivar Svein Mo som skriv nyhendesaka over, det er det Hjørundfjorden bygdemobilisering og leiaren der er Ivar Svein Mo. Han skriv for oss alle som er i styringsgruppa og eg leggg merke til at han gjer seg flid i det han skriv og han er sjølvsagt skriv/svarfar på vegner av bygdemobiliseringa. Så hald deg for god til å kome med personleg kritikk av han.
Det burde vere unødvendig å skrive de men bygdemobiliseringa v/Mo skriv "...må ein gå ei ny runde med til dei involverte partar, for å få saka i hamn". Så kjem det ein ny salve frå Våge: "Men det grovaste utspelet...." Kven er det som kjem med grove utspel? Den eine dagen gjer Våge/Myklebust seg til talspersonar for Helge Strand, så dei som bur i Stokkehuset, så barnehagen, så fredar dei ei naustrekkje osb. Kv a blir det neste?
Og kven snakkar om manglande demokratisk framgangsmåte? Når det gjeld ferjekaia har HB halde seg til vedteken reguleringsplan/syn i Sæbø grendalag/Sæbøgruppa. Dette er slett ikkje ei ny sak for bygdemobilieringa. Vi har halde på i tre år og til sommaren er det slutt, men problematikken med ferjekaia og Sæbø sentrum har vore ein stoppar for arbeidet på Sæbø og vi er sjølvsagt glade for at det no ser ut til å verte ei løysing.
Eg kunne ha skreve mykje meir, men som Fru Våge må oppfatte, er det svært få som orkar å skrive og diskutere når ein i diskusjonen vert møtt med innlegg som dette. Og la det også vere sagt til slutt: I motsetning til Våge har korkje Ivar Svein Mo eller underskrivne økonomisk eller på annan måte noko å tene på at ferjekaia vert lagt her eller der.
Mvh. Heidi og Herbert Skjelle
Nokre er redde for badestranda. Men det er jo sagt at kaia skal snuast mot Leknes, m.a. for å verne badestrand og naustrekkjer betre.
Her er fleire talsmenn for flytting av fergekaia på portalen, og de fortel de får støtte frå mange. Men eg og pratar med folk, og høyrer at her er mange som er nøgd med plassering av fergekaia i reguleringsplanen - utan at dei annonserer det på portalen. For some kan kommentarfeltet verke som ei krigssone. Då er det tryggare å halde seg unna den kanalen.
Elles meiner eg vi skal vere takksame for arbeidet som bygdemobiliseringa gjer for fjorden vår. Dei har heilt klart gjort ein kjempestor jobb på å gjere vegvesenet merksame på Sæbø sine behov og utfordringar. Slik eg kjenner alle medlemmane i nemnda kjem dei og til å følgje alle spelereglar i arbeidet som no er varsla, men det betyr ikkje at dei kan gjere alle til lags.
Tonen har vore "no må ingen protestere, då tar det 10 år til vi får ny ferjekai". No ser det derimot ut til å være nærare ei løysing enn nokon gong, men sjølv no er signala frå Ørsta kommune og Vegvesenet at det slett ikkje er for seint å sjå på alternativ.
Vi veit godt at Helge Stand vil ha kaia i Sandvika. Men sjølv med det synet skriv han altså på portalen at det ville vore «både praktisk og fornuftig» å legge kaia ved Aldersheimen. Dette er eit sitat frå eit av hans tidlegare innlegg og på ingen måte eit forsøk frå oss å uttale oss på vegne av Helge Strand.
http://www.hjorundfjord.no/?komponent=artikkel&handling=les&artikkel=1549
Heller ikkje har vi uttala oss på vegne av dei som bur i Stokke huset, det vi har påpeika er kun at desse vil ha biltrafikken "rett rundt hjørnet" uansett om den opprinnelege reguleringsplanen vert gjennomført, med eller utan HB sine justeringar, eller om kaia vert plassert ved Mjøllageret. Kva dei som bur i dette huset tykkjer om det er sjølvsagt opp til dei sjølve å uttale seg om.
Vi har debattert ei stund no. At ein som privatperson kan la det boble over skjønar alle. Mitt poeng er at utsagnet under umulig kan kome frå HB?, sjølv om det er signert av både leiar og HB:
«Kva med parkeringsplassen på Sjukeheimen? Kanskje kan eit rasert uteområde rundt Sjukeheimen verte spikaren i kista for denne livsviktige arbeidsplassen i Hjørundfjorden. Vi har fått faretruande signal frå politikarane i det siste om sentralisering.
Ivar Svein Mo
Hjørundfjorden Bygdemoblisering»
Er dette nivået HB ynskjer å ha på denne debatten?
Vi i Wille huset har dessverre heller ikkje økonomiske interesser av å få ferjekaia flytta.
I tillegg til den vakre naturen er det sentimentale og historiske band som knyter oss til Sæbø og plassen vår i Sandvika. Huset er 100 år i år, det er fullt av historie som vi har lyst å ta vare på.
Om det hadde vore det økonomiske som stod øvst ville det vore langt meir lukrativt for oss å få eigedomen oreigna etter den gamle reguleringsplanen, enn å halde fram med å kave med dette gamle huset.
Og ja – om Fru Våge hadde hatt mandat til det så skulle eg gjerne ha freda prestehagen, det gamle Aarset-huset, kayhuset, badestranda, husklynga i Sandvika og alt som ligg der og fortel om vår felles historie.
Hilde Muren, privatperson.
At barnehagen vil ha kort og trygg veg for borna som kjem med ferge er forøvrig ein vurdering knytt til trafikktryggleik for desse små og ikkje latskap frå barnehagen si side.
Hilde Muren, styrar Sæbø barnehage.
Avstanden frå Lisjeelva til tomtegrensa til Stokke-huset er forøvrig, så vidt som eg har fått opplyst, ca. 10 m. og burde gje god plass til ein tofelts tilførselsveg.
Trafikktryggleiken for borna i barnehagen er sjølvsagt eit særs viktig argument, eg vil tilogmed seie at dette er eiat av dei viktigaste saman med eit tilsvarande behov for trygg skuleveg for borna som kjem frå ferja, Sandvika og Sæbønes.
Eg reknar og med at det fans andre gode argument når reguleringsplanen vart laga for over 10 år sidan. Om nokon hugsar kva desse var ville eg sette stor pris på om dei kunne leggjast ut på Portalen så alle kunne vege desse mot dei andre argumenta som er framlagde her.
Min erfaring er at når Vegvesenet trår til er dei svært flinke til å skape vakre og trygge miljøtiltak rundt anlegga sine, noko som eg håper også Sæbø sentrum og Sandvika snart får oppleve. Dei har tidlegare får byggeskikkpris for vegarbeid i Ørsta kommune, kanskje kan vi oppleve det same i Sæbø og Sandvika?
Denne gangen er det, slik jeg opplever det, Pernille Våge som møter sarkasmen. Hun svarer imidlertid med "freske fraspark", godt humør og ikke minst en saklig og interessant kommentar. Når medlemmer fra Hjørundfjord Bygdemobiliserings - styringsgruppe tillater seg slik sarkasme,tror jeg det er mange som vil avholde seg fra å benytte portalen. De ønsker ikke den belastningen det kan være. Lokalpolitikerne er allerede skremt bort, slik jeg ser det. Når jeg nevner styringsgruppa, så er det viktig å understreke at dette ikke gjelder alle. Flertallet i denne gruppen holder seg for gode til slikt, og har heller konsentrert seg om arbeidet. Samtidig håper jeg at "vi" slik enkelte medlemmer presenterer Hjørundfjord Bygdemobilisering bevisstgjør hva som er politikk og hva som er mobiliseringsarbeide. Jeg tror alle kan drive med begge deler, men vi bør være klar over at vi ikke har mer enn tre forvaltningsnivå i Norge, og ingen under kommunestyret. Husk at mobiliseringsarbeide skal starte nedenifra og opp og være samlende, og ikke splittende i ei bygd ovenfra og ned.
Til slutt vil jeg gi de samme som jeg har kritisert, honnør for mobiliseringsarbeid og dugnadsvilje.
Jeg har ingen mening/oppfatning av om det er Sandvika eller andre alternativ som er den ideelle plassering av fergekai på Sæbø, det skal godt gjøres at alle blir fornøyd.
At sjukeheimens eksistens skal være truet kan være noe vanskelig å forstå ( jeg forstår det ikke jeg heller). Pernille Våge kjenner jeg ikke, så om hun - avhengig av kaiplassering - ferierer på Sæbø eller ikke burde være meg revnende likegyldig. Badestranda har jeg ikke noe voldsomt forhold til, så om bølgene der skvulper litt ekstra kraftig er det sikkert til å leve med. Man kan bade i Vatne-vatnet også. Om Stokke-huset får en ny bråkete nabo, eller de som bor i Sandvika får ferga og fergekøen tettere innpå seg så burde heller ikke det bekymre meg. Jeg kan konsentrere meg om all hjorten som spiser opp epletrærne mine.
Nå er det endelig vedtatt at fergekaia og Sæbø skal opprustes, kommunen signaliserer at gamle reguleringsplaner kan endres, folk kommer med forslag til alternativ plassering, andre holder fast ved tidligere reguleringsplan og så ender det som vanlig opp med lite konstruktive personangrep.
Men dette gjelder hverdagen til en del sambygdinger og da burde det være mulig å prøve å legge frem en felles, saklig fremstilling av hvilke alternativ som finnes og hvilke konsekvenser de enkelte alternativene vil få for Sæbø sentrum.
Om et hus må reguleres vekk, ei lita elv må legges i rør eller en kamel og litt stolthet må svelges, så er dette like smertefullt for alle parter. Men noen vil garantert oppleve at de "taper" der andre velger det som oppfattes som mest hensiktsmessig.
Jeg ser at trygg skolevei nevnes. Dersom kaia flyttes nærmere sjukeheimen; vil et fergekryss nær skolen kunne skape farlige situasjoner for de som kommer med bussen ned til Sæbø, eller vil trafikkbildet rundt fergekaia bli mer oversiktlig enn det er i dag?
Vil flytting av fergekaia virke negativt på den næringsaktiviteten som er på Sæbø? Jeg antar at en del turister / folk på gjennomreise foretar impulskjøp hos Slettedal og Bellingen og dermed bidrar til å opprettholde driften av disse butikkene vi er så glade for. Vil butikkene fremdeles være synlige fra fergekøen, eller har det ingen betydning?
Altfor mye har blitt overlatt til tilfeldighetene rundt om i Norge.Både byer og tettsteder angrer på avgjørelser etterpå.Geiranger priser seg lykkelig for at de ikke rakk å fjerne den gamle naustrekka.Hellesylt har gjort badestranda om til kulturminne,mens den flotte sandstranda på Hareid er en gedigen ferjeplass.Noen bygdesentrum har blitt så kjedelig at ingen vil stoppe der.Andre har satset på tradisjon og forbundet gammelt og nytt på en funksjonell og estetisk vakker måte.(Lom,for eksempel).Handelsmenn på Bergstaden Røros ville på 60-tallet rive mange flotte gamle hus om de hadde fått det som de ville.
Ørsta kommune er sikkert interessert i å utvikle Sæbø både konstruktivt og fremtidsrettet, og bør raskt trylle frem alternative skisser,tegninger,planlegginger utfra år 2009.Statens (Mestas?) arkitekter har gitt turistkommuner flotte,kreative innspill.Øyne utenfra er ofte nyttig for å koordinere tanker.Og en ting har vist seg viktigere enn mange tror. det å kunne finne igjen sine røtter også i et fornyet bygdesamfunn.
Vegvesenet har altså ikkje set av midlar til ny ferjekai på Sæbø. Vi snakka med Jens Petter Ringstad i dag og han bekrefter det som sto i Sunnmørsposten i går. Der er ikkje pengar til ny ferjekai på Sæbø. Men noko må gjerast når kaia rasar ut.
Men dette utgangspunktet kan ein spørje seg om der er pengar til miljøtiltak rundt riksvegen?
Eg kan ikkje tenkje meg noko anna forum , der det ville vere mulig å legge fram ei sak på ein så interessant og god måte. Dette må vere god bygdemobilisering . I saka , så er det sjølvsagt mange fleire argument , men først er det vel viktig å avklare om kommuna tek ein omkamp om kvar ferjekaia skal byggast.
Sæbø er, lik mange andre liknande stader i distrikta, truga av fråflytting og "forgubbing". At det er behov for eit løft, er ikkje tvil om, heller ikkje at det trengst ny ferjekai. Men eg er overtydd om, at det er som turiststad Sæbø har det store potensialet for framtida. Staden var for ei tid tilbake med på ei av dei store riksavisene si liste over uoppdaga perler. Og at Sæbø er ei perle, vil vel ingen nekte for, men kor spesiell staden er, trur eg mange av dei som ferdast der dagleg ikkje tenkjer over.
Sjølv har eg budd 10 år i Mellomeuropa, og meiner å ha god kjennskap til kva folk der nede vil ha når dei reiser på ferie. Dei vil ha natur, ro og autentiske opplevingar. Slikt som for oss er sjølvsagt; turar i skog og fjell, krabbefiske, grille pølser på bål i fjøra, å ro utpå fjorden ei stille sommarnatt, sitje ved eit gamalt naust.. Dette tykkjer dei er EKSOTISK- og dei er viljuge til å betale for det. Sæbø er ei gåvepakke til den som vil nytte dei moglegheitene som ligg der -heilt gratis- det er slett ikkje bruk for å investere i badeland og kjøpesenter.
Då er det viktig å ta vare på natur- og kulturverdiar, eg nemner her: badestranda, Kapteinskvia, naustrekkja.
Trafikkavvikling er og viktig, men det blir om å gjera å ikkje sjå seg blind på berre det. Folka i vegmyndigheitene gjer sikkert ein god jobb, men dei har, naturleg nok, hovudfokus på trafikken, og ein kan ikkje forvente at dei skal ta omsyn til heilskapen rundt utviklinga av Sæbø. Det blir det innbyggjarane og lokalpolitikarane som må ta seg av.
Sjå til dømes på Geiranger: til tross for kaotiske trafikktilhøve utvikla Geiranger seg til å bli Noregs mest kjende turiststad. Då dei flytta ferjekaia, la dei ho til ein stad som ikkje hadde så mykje å by frå før. Dei gamle nausta er i dag hovudattraksjonen på staden.
Ved å ta ei av dei finaste tomtene på Sæbø til biloppstillingsplass og ferjekai, sluse trafikken gjennom HEILE sentrum, ta halve Prestehagen til veg, samtidig som ein med det flyttar ferjekøa bort frå butikkane som sårt treng kronene dei gjennomreisande legg att, og i tillegg reduserar verdien av miljøet i Sandvika, er eg redd for at Sæbø sin trivselsfaktor blir ofra på trafikken sitt altar. Sjå berre på Hareid: kor triveleg er det der? Ikkje særleg, nei...
Det er mange omsyn å ta, det er klart, men eg vil med dette oppmode folk til å tenkje over kva ein vil ta vare på for komande generasjonar sin del og for trivselen åt dei som bur på Sæbø i dag -OG for reiselivsformål- og korleis ein skal leva med ferjetraikken i åra framover.
Noko å tenke på?
Per Stein Straume
I små samfunn som Sæbø er den største trusselen at staden blir tom og aude. Det er mykje liv og røre i Sæbø sentrum i sommarsesongen medan det om vinteren kan vere svært stilt. Då er spørsmålet: Er det eit aude Sæbø sentrum vi ynskjer, eller er det eit Sæbø sentrum der dei ferjereisande kjem og stoppar, handlar litt på Bellingen eller Slettedal, set seg ned og et is og pratar med folket? I dag ser dei reisande både butikkane, kafé, post, bensinstasjon og bank når dei kjem i land. I fjor sommar var der mykje folk som handla i butikkane og sat på benkar og kosa seg både medan dei venta på ferga og også etter at dei hadde køyrd av ferga.
Heile trafikken gjennom heile Sæbø sentrum har vore brukt som argument mot at ferjekaia skal ligge ut mot Sandvika. Ja det har til og med vore samanlikna med Hareid som er ei gjennomfartsåre frå alle kommunane i ytre - mot Ålesund. Vi trur det er stor forskjell på dette ferjeleiet i forhold til Sæbø. Det er klart at det er vanskeleg å spå kor mykje trafikk det kan verte i framtida, men med utbygging av Kvivsvegen vil vi tru at den yrkesmessige trafikken vil minke gjennom Norangdalen. Det som vi håper vil auke er turisttrafikken, og den vil vi gjerne skal stoppe på Sæbø. Er det då lurt å gøyme vekk Sandvika med Naustrekkja, badestranda, Kapteinskvia, butikkane, bakeriet, banken m.m? Dersom det nye ferjeleiet vert liggande utanfor Sæbø sentrum, er eg redd bilane vil svinge til venstre og rett til Ørsta.
Vi vil tru at både naustrekkja og Kapteinskvia vil ligge der like godt, sjølv om ferjekaia vert bygt der ho er regulert: Det kan faktisk vere fint å sjå ferja gjere sine turar fram og tilbake over fjorden.
Vegvesenet har folk som er utdanna og har erfaring i å omarbeide og oppruste vegar gjennom tettstadar. Vi vil nemne nokre gode resultat; Området langs Øye kai, Elvadalen i Volda og ikkje minst området utanfor Eiksundtunellen på Eiksund-sida. Vi trur dei i denne saka og vil vurdere alle saker objektivt og legge ferjeleiet der det høver best.
Irene og Åge Osvoll
.
Per Stein Straume
Ordet tettstadfornying, lyder for meg å sjå på saken med nye auge. Lat oss gjere det.
Er det viktigare å verne lisjeelva enn trebebyggelsen i Sandvika ?
Eg meiner vi kan legge elva i rør, flytte branngarasjen og gjerne rive mjøl-lageret om det er i vegen. Det er betre enn å øydelegge det fine området i Sandvika. Samtidig får vi betre plass til vegen til fergekaia, og eit meir oversiktelig vegkryss. Eg er også nærmaste nabo til Wille-huset. Der står dagleg turistar og fotograferer dette huset og samtidig utsikta herifrå gjennom heile sommaren. Skal vi berre rive huset ?
Eg oppmodar alle som les dette å setje seg grundig inn i reguleringsplanen, og gjere seg opp si eiga meining.
Bygdemobiliseringa har gjort ein god jobb, i denne saka ikkje like bra i mine auge, kva er problemet med å tenke seg om ein gong til ?
Har vi så lite tru på bygda Sæbø at ei fergekai i Sandvika er det som skal til ?
Er dette tettstadfornying ?
Eg berre spør.
Per Stein Straume
Litt fjellvett :
Er det skam å snu ? Det høres ille ut å ødelegge sjarmen på Sæbø grunn av en bred vei og ei ferjekai.