Ferjekaia skal kome i Sandvika

Ja, her har formannskapet logra kraftig på halen framfor Hjørundfjorden Bygdeutvikling skjønar eg.

Viss det i kommentaren meinast at sakleg informasjon på førehand og etter synfaringa er representantane frå Formannskapet einige i den informasjonen dei har fått, er å ”logre med halen”, så takker vi for det komplimentet.

Hjørundfjord Bygdemobilisering hadde gjennom tidlegare vedtak fått tid med Ø. Formannskap for å informere om det arbeidet vi har gjort.Sidan det var to saker på Sæbø som skulle handsamast passa det godt denne gongen å legge møtet til Sæbø og vi fekk to timar til rådgheit av ordføraren inklusiv ei synfaring der vi gjekk opp heile sentrum. Etter synfaringa forlet vi møte og var ikkje tilstades under debatten som fylgde.

Den informasjonen som vi la fram skrifteleg ang. Sæbø, til kvar enkelt representant og som leiar i HB gjekk i gjennom på skjerm, kan kvar enkel få lese her. Dette er no eit offentleg skriv og vert lagt ut her til orientering:

Til
Ørsta Kommune
Formannskapet v/ordførar Gudny Fagerhol

ANG. SÆBØ SENTRUM
Hjørundfjord Bygdemobilisering har – som eit av sine hovedmål - å auke bulysta i Hjørundfjorden. For å få til det er eit attraktivt sentrum i Sæbø avgjerande, med gode tilbod ang. barnehage, skule, butikkar, lege og andre servicetilbod. Ein må også ha attraktive tomter både for sentrumsutvikling og einebustadar.
Arbeidsutvalet i Hjørundfjord Bygdemobilisering har diskutert reguleringsplanen for Sæbø og samrøystes vedteke:
1. Prestegardsmarka
Viser til eige skriv der vi i lag med Hjørundfjord Bondelag fullt ut støttar reguleringsplanen for bustadtomter på Prestegardsmarka.

2. Sæbø sentrum
• Fergekaia vert i Sandvika. I høve framlagt skisse bør den flyttast noko nærmare dagens fergekai.
• Fergekaia må rettast mot Lekneset. Dette vil vere ein klar fordel for badestranda, naustrekka m.m.
• Området frå kommunekaia til Hotell Sagafjord vert reservert for sentrumsutvikling/bustader.
• Dagens vegtrase gjennom sentrum vert opprusta/utvida etter dagens linje. Dette vil også spare areal i sentrum.
• Vi har full tillit til at Statens Vegvesen legg fram ei god løysing for utviding av vegen, oppstillingsplassar for bilar, gangvegar m.m.
• Hjørundfjord Bygdemobilisering meiner dette vil medverke til eit levande og tett sentrum som både fastbuande og tilreisande er avhengige av.
• Vi er overtydde om at dette vil vere med på å gjere Sæbø sentrum meir attraktivt og få til meir busetnad, noko som er heilt avgjerande for framtida.
• Vi må få til eit positivt samspel mellom dei fastbuande og tilreisande. Vi er gjensidig avhengig av kvarandre for å nå målet om ei positiv utvikling på Sæbø.

3. Kjøpe grunnen til Kapteinkvia slik arbeidet til trivselparken i Sandvika kan settast igong og dei inkomne midlane kan takast i bruk.

4. Fullfinansiere lys frå klubbhuset til riksvegen

Hjørundfjord Bygdemobilisering ber om at dette vedtaket vert teke omsyn til i den vidare handsaminga av reguleringa av Sæbø. Vi ønskjer Ørsta kommune lukke til med dette svært viktige arbeidet for folket i Hjørundfjorden.

Med helsing
Hjørundfjord Bygdemobilisering - Ivar Svein Mo- leiar

Dette er ein veldig, veldig trist dag for mange av oss...

Kvifor gå for eit hastevedtak i Formannskapet når Vegvesenet enno ikkje har sett av pengar?

Kan det gå år før vi ser noko til Vegvesenet?

Er det nokon som veit korleis Sæbø sentrum blir sjåande ut?
Kvifor stolar ein heilt og fult på Vegvesenet når det gjeld utforming av heile Sæbø sentrum, med ein stolar ikkje på det same Vegvesenet når det gjeld å halde eksisterande kai opa til ny kai er på plass?
Har ikkje Vegvesenet arbeida i snart to veker med sikring av den gamle kaia?

I kommentarane vert det sett spørsmålteikn på kvifor slikt hast i dette vedtaket frå Formannskapet, og då må ein berre sende spørsmåle attende, hastesak??? Det er over ti år sidan reguleringa av Sæbø var godkjent og då var det bestemt på kommunal nivå at der skulle byggast ny ferjekai, fordi den gamle var ein museumsgjenstand som mange meiner er verneverdige i dag, fordi det er den siste kaia med lodd.
Vidare har Hjørundfjord bygdemobiliseringa si Sæbøgruppe ilag med grendalaget jobba med denne saka i tre år no og har etterlyst synspunkt frå andre i arbeidet, men har ikkje høyrt stort, før den siste tida, då det meste av arbeidet har vore avslutta.
Vegvesenet var klar for ei tid sidan å ruste opp dagens kai, men vart stoppa av protestar frå naboar til kaia fordi det er store skadar på bebyggelsen på kaiområdet. Dette vart også støtta av HB og tekje til fylgje av Ørsta kommune, fordi det ville være ei utsetjing av utviklinga av Sæbø og ny ferjekai. Ferjekaia måtte flyttast, det var der ingen tvil om, ellers ville kommunehuset og Årsethuset få alvorlege skadar av at grunnen svikta.

Når det gjelder kommentaren om at vi ikkje har tillit til Vegvesenet og ferjekaia, så forstår vi ikkje kvar det kjeme ifrå, då vi ser at dei tek ansvar og gjer naudsynt reparasjon på kaia for å få tid til å planlegge å bygge ny. Dette er ikkje nokon varig reperasjon, men ei "bøting" som er eit godt gamalt ord for midlertidigt arbeid. Dersom ikkje Vegvesenet tok tak i dette no så ville det være uansvarleg i eit riksvegsamband og utsetje trafikantane for livsfare når dei køyrer ombord.
Dersom Formannskapet sitt vedtak er endeleg vil uforminga av Sæbø verte gjort i lag med Vegvesen, kommuna, grendalag og dei fastbuande på Sæbø.
Med dette vedtaket så vil vi kunne få ny busetjing og utvikling på Sæbøøyrane i tillegg til nye tomter på Prestemarka.

Vi kan ikkje seie vi ynskjer nye folk til bygda og samtidigt ikkje legge tilrette for ein plass å bu og tilbod om arbeidsplassar.

Vi får håpe at ikkje Vegvesene vert hefta med reguleringsarbeid slik dei vert tvinga til å skifte ut delar av den gamle kaia og dermed gjere den i ei slik stand at den ikkje vert fjerna. Dette kan medføre at den gamle kaia kan verte nytta til ein opplagsplass for gamle ferjer, etter nyekaia er på plass.

ISMo

Kvar har dåkke dette ifrå ?:
"Vi får håpe at ikkje Vegvesene vert hefta med reguleringsarbeid slik dei vert tvinga til å skifte ut delar av den gamle kaia og dermed gjere den i ei slik stand at den ikkje vert fjerna. Dette kan medføre at den gamle kaia kan verte nytta til ein opplagsplass for gamle ferjer, etter nyekaia er på plass."

Har dette vorte hevda muntleg eller skrifteleg- eller er det propaganda ?

På eller over grensa til usakelegheit ?

Vidare: Eg meiner eg har gitt mitt syn til kjenne for fleire år sidan,(den gongen var det også forseint) har elles aldri blitt spurd om å delta i "Sæbøgruppa".

No skal ferga vinklast mot Lekneset- er ikkje dette å flytte problemet frå Årset-huset til husa i Sandvika ?

Ved å stille slike spørsmål medverkar eg til overnevnde skrekk-scenario ?

Ein kan sjøvsagt legge ferga nærmare der ho er idag, men då vil fortsatt fergekøa gå langt bort mot Bellingen i ferietida- men det er vel det beste for butikkane?

Nei- la no vegen fortsatt gå forbi slettdalshjørnet- så er farsen komplett.

Får håpe dette ikkje fører til fråflytting.
Eg vil kalle det Bygdenedbygging.
Vil nok tru at mitt hus vert feriehus i neste generasjon.
Kanskje mykje før ?

Er demokrati på Sæbø å være einig med eliten (les HB) ?

Heldigvis er det forstatt ytringsfridom i landet.

Er det ingen som synest det er merkelig at Formannskapet gjer eit vedtak etter å kun ha høyrd på ei side ?





Per Stein Straume

Støttar bygdemobiliseringa med sitt gode arbeid.



Usikkerheit om korleis Sæbø sentrum vert er øydeleggjande, men no er viktige vedtak gjorde.



Vi får no ein god heilhet for det framtidige Sæbø.



Då kan folk velge å busetje seg på Prestegardsmarka eller toppetasjen i Stokkehuset eller nye framtidige Sæbø brygge, eller ut på Sæbøneset.



(No manglar vi berre ein gymsal og det hadde vore kjekt med asfalt no, vegen ut hit siste tida har vore verre enn Hustadsida etter ein floing.)

Vi som vil ha ferjekaia på Sæbøøyrane får beskjed frå øvste hald i kommuna om at ingen beslutning om plassering av ferjekaia skal tas på Formannskapsmøte.
Medan dei som vil ha ferjekaia i Sandvika fikk god tid til å påverke Formannskapet.

Trist...

-Ditt innlegg under her, siste setning.
Mi oppfatning av vedtaket i saka , som vel var framlagt som ei orienteringssak/referatsak og ikkje ei politisk sak , er at formannskapet nok kunne valgt å ta informasjonen til vitande . Men , istaden valt å gjere nemnde vedtak for å på den måten kansje sleppe å høyre fleire plagsamt ueinige kommentatorar på portal og elles.

Eg snakka med ein av dei som var med å gjorde dette vedtaket. Dei var nok under press, ja.
Bl.a vart det hevda at fergelemmen no vert reparert med ståltråd!
Høyrest skummelt ut. Ser også at A. Standal er referert i Møre Nytt idag at hadde fergekaia vore privat hadde ho vore stengd.
Trur fakta må på bordet- viss dette er sant burde vel den verte stengd omgåande. Eg skal prøve å finne ut meir om dette.
Det er noken gongar at ting ikkje treng å være sant, berre det er interessant.
Fergekaia må flyttast-det er alle samde om, men der er pr. dags dato ikkje løyvd pengar- får håpe dei kjem.
Har eit inntrykk at det som haster mest er å få banka gjennom mest mogleg før HB er ferdig med sitt arbeid.

Per Stein Straume

Hvor langt går Sandvika, og hva vil skje i området på land på grunn av dette vedtaket?

Bruker ein Gard og Ætt for Sæbø som kilde, går Sandvikområdet frå Prestegarden til Sæbøneset.(Til og med huset til Roy Lillebø)

Kanskje HB kan være så hjelpsame og fortelje kvar dei fekk dette vedtaket ifrå? Eg skulle gjerne sett heile vedtaket men eg kan ikkje finne det på Ørsta Kommune sine nettsider saman med dei andre vedtaka fatta i det same formannskapsmøtet?

Vedtak i Ørsta Formannskap fekk vi tilsent i posten frå Ø.kommune. Saksnr 2008/1110

Ja eg ser frå loggen til ØK at det vart sendt noko til HB den 27.02 men sidan denne saka vart lagt ut allereie same kvelden som møtet og de ikkje var tilstades under sjølve møtet rekna eg med de hadde funne det på nettet ein stad....?

Vi tar kontakt med ØK for å få oversendt nødvendige papir. Takk for informasjon.

Det er heilt vanleg i ei lita bygd at det går stadig fleire rykter når ei sak er heit.
Skal hermed avkrefte nokre:

-Dei som vil ha fergekaia på Øyrane har forsinka heile prosessen.-

Feil

-Det er bevilga pengar til fergekai-

Feil
Forresten: det er ingen som veit kor mykje pengar som kjem eingong- pengar til ferjekai eller også til opprustning i Sæbø ?

Det er bevilga 1,5 mill, til rep. av fergekaia samt planlegging av ny.

-Underteikna visste at her skulle kome fergekai i Sandvika då eg kjøpte huset.-

Feil- saka kom opp året etter.

Og hugsar eg ikkje heilt feil var det Ø.Kommune ved ordføraren den gong, som reiste seg på folkemøte og sa vi for all del ikkje måtte stille spørsmål- eller protestere mot reguleringsplanen- pengane var like om hjørnet.(ja, nesten på dagen) Bygdefolket venta millionar ,,,

Situajonen har ikkje endra seg til idag-

Kvifor skal eg stole på at Ørsta Kommune og vegvesenet gjer noko meir no.(sjølvsagt nærmar det seg - men ikkje nødvendigvis iår eller neste år )

Kvifor skal eg tru at HB veit betre enn meg ?

Eg har eindel spørsmål mht. om husa i Sandvika som er bygde på sandgrunn(?) vil tåle påkjenninga som ikkje Årset huset og kommunehuset har tålt.

Dei tek eg med Ø.Kommune og vegvesenet.

Når det gjeld rykter - hvis det gjeld meg/eller saka generellt- er det berre å ringe eller legge inn spørsmål her.

Per Stein Straume

Er det nokon som forstår dette?
Betyr det at vi ikkje har eit vedtak?

Les:

http://nernett.hivolda.no/web/PageND.aspx?id=100808

Pernille etterlyser om ein har eit vedtak eller ikkje. Eg var den einaste journalisten til stades då saka vart handsama, og eg skal prøve å forklare slik eg forstår saka.

Utgangspunktet er at vi har ein gyldig reguleringsplan. Eg ser frå tidlegare kommentarar på andre saker om same tema at det har vorte stilt spørsmål ved dette.

Lat det ikkje vere tvil: Reguleringsplanen frå 1997 er juridisk bindande.

Så snakkar nokon om ein tiårsregel. Han er slik: Planen er like juridisk bindande, men oreigningsheimelen fell vekk. Det vil seie at skal tiltak gjennomførast etter planen, og grunneigarane ikkje er samde, så må det frivilleg grunnavståing til.

Kva gjorde så formannskapet?

I Ørsta kommune er formannskapet planutval. Eit planutval har ansvaret for å følgje opp, initiere og passe alle planar etter Plan- og bygningslova.

Det vil igjen seie at planutvalet kan seie at ein plan er umoderne, og det må ein ny plan til, eller planutvalet kan seie at vi ikkje gjer noko som helst.

Kvifor handsama så planutvalet reguleringsplanen for Sæbø. (Her må det nemnast at saka ikkje stod på sakskartet, men at det var semje om å ta opp saka frå alle formannskapsmedlemmene då ordføraren spurde om det).

Saka vart teken opp fordi vegvesenet har vendt seg til kommunen, og spurt om ein skal arbeide ut i frå 97-planen for eventuelle arbeid i Sæbø sentrum, og spesielt med ny ferjekai.

Det formannskapet som planutval då gjer, er å seie at at reguleringa for ferjekaia ligg fast, men at ein vil sjå på reguleringa av riksvegføringa gjennom sentrum.

Kva tyder så dette?

Slik eg tolkar det, vert det ingen endringar på ferjekaireguleringa, med unnatak av at planutvalet ber om ein byggjeplan for ferjekaia som skal ta omsyn til m.a. badestranda. Det kan tyde at vegvesenet har fått eit signal om å vende lemmen vekk frå badestranda og meir mot sentrum.

Der endringar kanskje vil kome, er riksvegføringa gjennom sentrum. Der seier planutvalet ganske klart at ein vil krevje ei ny regulering.

Eg håper dette var oppklarande, og ikkje tilslørande.

Takker for god forklaring Rune, så får de vise seg
om de blir fregekai eller bustader i Sandvika?