hjorundfjord.no, Møre-Nytt og Sunnmørsposten har lenge omtalt "legesaka" i Hjørundfjorden. I dag var det TV 2 sin tur. For TV 2 møtte Arill Riise og han hadde med seg eigen fotograf. Nyhendeinnslaget vert sendt på TV2 snart, mest truleg allereie i morgon, onsdag, klokka 21.
For den som enno ikkje har fått med seg kva denne saka gjeld, kan det opplysast at for ei tid attende bestemte rådmannen og helse- og sosialsjefen i Ørsta at legestillinga i Hjørundfjorden skulle dragast inn og flyttast over til Ørsta sentrum og det private legesenteret Ørsta Helsesenter AS. Dette har sjølvsagt ikkje blitt motteke med hurrarop i Hjørundfjorden. Ordføraren har også i ettertid vore med på å kasta bensin på bålet. Til Sunnmørsposten har ho sagt at heile denne saka berre er storm i eit vassglas og at no må hjørundfjordingane roe seg ned. Etter dette har ordføraren prøvd å roe ned det heile m.a. gjennom lokalavisa vår Møre-Nytt. Ho har no lova politisk handsaming av saka.
Bruno Hame vert filma på Sæbø i det han går ombord i skyssbåten M/S "Hjørundfjord" . Til venstre skimtar vi journalist Arill Riise.
TV 2 hadde lagt merke til at ein lokalpolitikar hadde hevda at det tek berre 30 minutt å kome seg til lege i Ørsta for hjørundfjordingane. Dette var ein av grunnane til at TV 2 vart med på legeturen til Bjørke i dag - som kjent er det vanskeleg å kome seg til Ørsta på 30 minutt anten ein bur i Norangsfjorden, på Skår, på Viddal eller på Bjørke.
På foto til venstre ser vi Bruno Hame i samtale med Arill Riise og på foto til høgre er det skyssbåtførar Oddvar Olsen som vert intervjua.
Og kva som vart sagt? Det er berre å fylgje med på TV 2 sine nyhendesendingar på onsdag. (Kanskje kjem det seinare om noko større skjer ute i verden)
Kommentarar
Så må vi stille oss spørsmåla: - Er det nokon som har mistydd kraftig, eller er det ordføraren som held oss hjørundfjordingar for narr når ho til Møre-Nytt seier at denne saka enno ikkje er politisk avgjord?
Vi hjørundfjordinar har tydelegvis ikkje vore klare nok i våre uttalar sjølv om vi av ordføraren har blitt bedd om å roe oss ned. Eg må nok også vedgå at eg, utifrå det som har stått i Møre-Nytt, har syntes at m.a. formannskapsmedlem Ola Perry Saure(Sp) har vore svært vag i denne saka. Mitt konkrete spørsmål til Ola Perry Saure vert difor: Vil Sp vere absolutt i sitt krav på at den utlyste "hjørundfjordlegestillinga" skal trekkjast tilbake og lysast ut på nytt der det vert opplyst at den primære arbeidsstaden for legen skal vere i Hjørundfjorden?
MVH Turid Rønning
Undres på hva hun vil bortforklare dette med.
Ser dagens Møre-Nytt refererer henne fra en diskusjon om flerbrukshallen i et formannskapsmøte i forrige uke: "Og no nærmar det seg grensa for å gjere vedtak utan at vi veit kva det inneber,..."
Skulle tro det, ja.
Ola P. Saure er "vag," seier du Knut.
Ja, ikkje berre vag, men ikkje å stole på....Det veit du og, Knut....
driv politikk mest som i ørska
Ho seier ditt til datt
ingen skjønar eit fnatt
Du må då spørje folket først da
..og Castberg han søv også i timen
reknar feil og blingsar med geografien
Han set skylappar på
berre sentrum skal få
nei og nei - dette lignar ikkje grisen
(Tussa gir vel over 30 mill i utbytte)
Vi i Hjørundfjorden bør ta pengmaskina tilbake vist ikkje noko av desse pengene blir brukte her
i fjorden!
Ein ting eg reagerer STERKT på i desse debattane er personlige angrep på i dette tilfellet politikarar. Det øydelegg også for diskusjonen, og eg tek meg i å sjå langt mindre seriøst på dei som kjem med slike utspel. Dei same personane har surmula i lang tid fordi politikarane ikkje er meir aktive på portalen, men kva skjer når dei vågar seg frampå? Dykk spenner beina under dei! Det står ingen stad at ein som politikar plikta å være aktiv på nettet, og det fristar heller ikkje når ein kan verte møtt på ein slik måte.
Det må gå an å være usamde i saker uten å gå til personlig angrep og være ufin. Når det gjeld den saka er portalen langt betre enn Sunmørsposten der anonyme kan legge inn den dritten dei vil utan å stå for det sjølv. Berre spy ut sin eder og galle, for så og føle seg mykje betre etterpå!
Eg nevner ikkje navn i denne skjenne-preika, men dei det gjeld veit det nok sjølve. De kjempar ei god sak, ikkje forpest den med slikt. (De må ikkje bli så fornærma at de ikkje vert å sjå her inne på ei stund no då;) Eg meinar berre at slike motangrep kan gjere vel så mykje skade....
Når det gjeld ordføraren, som har kjempa seg til vervet, må ein kunne vente ei viss fastheit i klypa. Og det har sjølvsagt ikkje noke med kjønn å gjere.
Vingling, og nedroing av engasjerte innbyggarar slik ein pratar til fulle folk og ungar kan ein ikkje kome skadeslaus ifrå.
Ein kommentar bør ha eit snev av spissformulering og snert. Dersom det ikkje tolest så må i alle høve eg halde fingrane frå tastaturet.
Oppslag på www.smp.no i dag
"Betegnelsen" er sjølvsagt definerbar, men likevel.
Eller er det meininga at vi alle skal verte politisk korrekte....
Marionetter kanskje?
Om nokon skulle tvile - eg held fast på det eg har skreve i kommentaren om kva TV 2 sa til underteikna og båtførar Oddvar Olsen i går. Vi vart begge intervjua ombord på M/S "Hjørundfjord" og vi stilte ikkje spørsmål om denne legesaka til TV 2. Då eg skulle til å verte intervjua vart eg først nærast vippa av pinnen då eg vart fortalt kva ordføraren hadde sagt til TV 2 tidlegare på dagen. Men no er visst ingen ting sagt av nokon...
Men for all del - er ingen ting avgjort skal vi berre vere godt nøgde og halde fram med kampen for legestillinga i Hjørundfjorden. For ein ting er sikkert - politikarane må få kjenne presset frå oss. Tidlegare i dag opplyste eller Ola Perry Saure (Sp) til meg at slik han såg saka stod no, ville han nok tilrå "sine" to representantar i driftsutvalet å stemme for at den utlyste legestillinga vert trekt attende og lyst ut på ny med opplysningar om at arbeidsstaden skal vere Hjørundfjord.
Til slutt, en stor takk til initiativtakerne for underskriftskampanjen!
Det er flott natur, liten og oversiktleg skule, godt oppvekstmiljø og mykje kjekke folk i bygda / fjåra. Og kun 25 minutt å køyre på jobb dei dagane ein må ha kontordag i Ørsta....
Og det er garantert uten kø :-)))))
Trur nokre slike innslag kan være mykje bedre reklame for å få ansett dyktige og engasjerte legar enn ei avisannonse:-)