Nøtteknekkaren

Også i år skal Ørsta og Volda Ballettskule ilag med Sunnmøre Ballettkompani syne Nøtteknekkaren på Ørsta Kulturhus. Vi får gjensyn med Lenka som den yndige Clara og Jakub som den stilige Nøtteknekkaren. Ny av året er Petr i rollene som Musekongen og Prinsen. Alle desse tre gjestedansarane dansar til dagleg ved Nasjonalballetten ved Nasjonalteatret i Praha! Koreograf er Renata Vynikalova, ho dansar også Magikaren som får det heile til å skje.

Lyssettar er Jiri Nagy. Magikaren sin assistent vert dansa Aurora Skaland, rolla  som Frits, den ulydige broren til Clara, vert dansa av Tine Rotevatn. Elles finn vi Tale Catherine Burgess Øyehaug som dokka Columbine som vert levande og Johanne Kalland er den nydelege snøkrystallen som dukkar opp ved midnatt.

Gle dykk- ta med heile familien og få med dykk denne klassikaren som vert synt på alle store ballettscener over heile verda ved juletider!
Eller kanskje passar det for arbeidsplassen og kollegaer å gå ut i lag? Det er ein flott måte å støtte lokalt kultur og barnelagsarbeid på!

Førestillingar i Ørsta Kulturhus

Fredag 12. desember kl 19.00

Laurdag 13. desember kl 17.00

Søndag 14. desember kl 15.00

Pris vaksen:    kr. 225,-

Pris barn:    kr. 120,-

Billettar kan bestillast eller kjøpast på www.orsta.kulturhus.no
Eller i kinokiosken på Ørsta Kulturhus Tlf 70 04 55 00