Hjørundfjord kyrkje sitt barnekor

Onsdag 1. oktober startar barnekoret opp att med øvingar. Og ein ynskjer nye og tidlegare korsongarar frå og med 2. klasse hjarteleg velkomne.

Onsdag 1. oktober kl. 17.00 vert første korøving denne hausten. Også i år vil ein halde til i kjellaren på Bedehuset. Janine Berg held fram som dirigent/ pianist og med seg har ho Camilia Jelti som dirigent/ pianist/ gitarist.

Janine og Camilia håper på mange ivrige korsongarar, både små og større jenter og gutar. Aldersblandinga på gruppa vil vere avgjerande for kva songreportoar ein satsar på, men noko sprekt noko vert det uansett.

Så ta med søsken, nabo, kammerat og veninne og møt opp på kor.

Lagt inn av Siw Lillebø
27.09.2008 23:33

Kommentarar

Siw Lillebø - Usikkert om det vert kor..... 01.10.2008 kl. 22:23

I dag var det 11 glade, ivrige og flinke barn som møtte opp til barnekor, noko som er kjempe flott. Men for å få til eit kor treng dei hjelp av fleire, og då gjerne eldre barn/ ungdom. Det er ingen som er for gammal til å vere med. Det er også foreslått å lage eit eige namn på koret, slik at namnet ikkje skal gjere at nokon kjenner seg for gammal til å vere med.

Dei som møtte i dag kjem til å prøve å verve fleire medlemmar dei neste dagane. Så ein håper og trur at på neste korøving, onsdag 15 oktober, vert det fleire som møter.

Dette er eit supert tilbod/ moglegheit for dei som ikkje likar idrett, men som kan tenkje seg å vere med på "organisert gruppeaktivitet".

Vi vil oppmode alle føresette om å høyre ein gong til med barna sine om ikkje dei vil vere med på kor.

Skriv kommentar:
Logg inn for å kunne skrive kommentarar