Dette gamle postkortet har vi her på Frøland. Det er sendt frå tante Laura (Frøland) til svigerinna Skredder-Anna som då jobba på Ålesund konfeksjonsfabrikk. Kortet gjeld ein bekreftelse på at ein leveranse med fisk er komen fram til Sæbø frå Ålesund, samt litt daglige oppdateringar om familien. Så dette er altså lenge før dages SMS kom på bana;)
Vi meinar at dette kortet er sendt i 1931, men fotografiet har ei langt eldre datering. Så dette blir hittil dagens quiz: Kva årstal er dette fotoet teke, og har nokon informasjon om husa vi ser her? Kanskje personane også?
Kommentarar
Dama ser ut til å ha på seg en fin hatt.
Har ikkje en mann flosshatten på?
Helgaroa senket seg over bygda før i tida.
Det var ro og fred og folk tok seg igjen etter ei travel veke.
Det var helg.
Nå jager vi vel ofte av stad hit og dit i bilen og kjem heim slitne etter ei travel helg med reising.
Finn vi helgaroa nå til dags?
Framleis god påske til alle Hjørundfjordingar!
Kjekt å høyre om dei små forteljingane dine Sølvi Britt. Tante Laura var tanta til bestfaren min,men alle på Frøland (som så mange andre) har kalla henne tante Laura.Ho var gift med Johan Frøland. Eg kan berre så vidt hugse den store blide dama i familieselskapa hjå bestemor.
Skredder-Anna var også tante til min bestefar. Ho var sjuk og sengeliggane i sju år då ho var ung, ho vart lægt ved bøn, og utdanna seg til skreddar.
Mamma har holdt på med å systematisere ein del gamle postkort og brev som er veldig kjekke å sjå på, skal sjå om eg får tjuvlånt fleire seinare...
Dette er slett ikkje naustrekka,men nokre av budene som dalekarene brukte til stall og anna når dei var i kyrkja.
Huset heilt til høgre er rett nok StenesOla stova, i dag huset til Oddvar Olsen. Men Bellingen er utanfor billdet, både den gamle og den nye. Haugen butikken (Idag huset til Inger Riise) stod omtrent midt i Slettedalkrysset, med port til Prestegarden midt imot.
Billdet er teke fra det som me idag kaller Trafikkøya Slik såg det ut i Sæbø då eg vaks opp.
Men eg registrerer også at Rasmusbuda,er rett og at Haugenbutikken også stemde, likeeins var det rett då eg trudde at huset til høgre var Stenes-Olastova.
Ei utfordring til gamlesjefen Bjarne: Kva er det for eit kvitt hus vi ser taket på og litt av eit glas på, til venstre i biletet?
Ser at biletet er teke før 1920, og det kan i realiteten då vera mellom 1900 - 20. Det var kring 1900 at Rasmusbuda vart bygd.
Når Bellingen nevnes ,tenker alle på kafeen der far min sa at de ble tatt i mot som små "voksne" når de var innom der da han gikk for presten. Men for meg er huset knyttet til minner om tante Olava og Ingvald som bodde der med sin barneflokk i mange år.Jeg har hatt det kjekt der. De brukte det til feriested så lenge de fikk lov å ha huset sitt der.Var det ekstra god middag ,sang vi, var det normalmat, leste vi bordverset.Hadde jeg minstemann havna under bordet, lo tante og sa- sat under bordet og sa ikkje ordet, men trur du ho gret? Og så lo vi alle sammen.- Humor føltes som en styrkedrikk i de dager.og historiene blomstret.Skulle være kjekt å høre litt fra denne tida om andre har noen godbiter på lager.
Erling Kvistad kjøpte buda og dreiv skofabrikk i 2.etasje og skobutikk i l.etasje.
Etter den store omreguleringa i slutten av førtiåra, kjøpte Ansgar Urkegjerde buda. Reiv den ned og byggde den oppatt til bolighus i Hustadvika.
Nedanfor hadde Rekkedal-Tore som dreiv Trondhjemshandel, buda si. Den var byggd saman med Rasmus si bud. Buda til Rekkeda-Tore kjøpte Andreas Hustad og den bruker han til verkstad i dag. Trur postkortet er fra 193o åra.
Mulig det er same fotograf som har teke bilete i 09 av Frølandsbuda. Meiner å ha sett noko om kven som er på dette kortet her som Unn har lagt ut, men kan ikkje finne noko om det. Kanskje det var i ein avisartikkel.
Trur Perry kan ha rett i at det er på ein Søndag, kanskje dei er på veg til kyrkja.