IMG_2763

Det var ein straum av folk i Øyragata langfredag under Skattejakta. 

 

Det var kring 400 deltakarar laurdag og 200 søndag, og dei var i alle aldrar. Nokon hadde pugga leksikon og atlasar, og fekk kanskje utteljing for det, medan andre var meir avslappa, og la vekt på trimmen og det sosiale.

Langfredag var det opplett og sol, men ein kald vind. Søndag var det kort og godt snøver.

Skattejakta kårar vinnarar både fredag og søndag, men leiar i fotballgruppa, Øyvind Taklo, legg vekt på at deltakinga er det viktigaste. - Dette skal vere ein treffstad for folk i påska, og det ser det ut til at Skattejakta har vorte, seier Taklo.

Han gler seg over at folk år etter år kjem tilbake, og legg ikkje løyn på at Skattejakta også er viktig for at fotballgruppa skal  få ei god inntekt for å sikre deltaking av lag i serie og cupar.

Skattejakta har faktisk utvikla seg til å verte eit av dei største arrangementa i Ørsta kommune i løpet av eit år. I Hjørundfjorden er det vel berre Hjørundfjorddagane som samlar fleire folk.