Bilete til høgre er teke i 14 tida søndag, frå Selferbakken i Åmyrgjerda på Kvistad, og det er like før det merkast at dagen er på hell. Vi ser her over til Aklestad og Lisjedalen med sola som skin på Lisjedalshornet.
Mykje har vore skreve dette året og kvaliteten på Nyhende og Artiklar har vore av ei klasse som vi kunne berre håpe på den dagen vi starta opp. Biletekvaliteten er svært god og vi merkar at folk vert berre betre og betre å skrive, og enkelte har vorte så god at det er reint kjekt å lese same kva dei skriv om.
Kanskje skulle vi avslutte året med at brukarane nominerer 5 kandidatar til "Årets beste skribent"? Her kan vi få tilbakemeldingar om kva brukarane meiner. Vi må ha ein jury som ikkje har noko med portalen å gjere for å avgjere kven som vert vinnar. Kan vi få til dette når det er så kort tid att av året? Ein eller anna utmerkelse til vinnaren kan vi få til.
I år som i fjor er det nissekonkurranse kvar dag i desember før jul, og Kjell Johan Årseth er nissemakaren og det er kun han som har fasitten på kvar og kven bileta er av, til den som gøymer seg bak den"bøvlige" maska. Han er også den ubestridte dommar som bestemmer kven som skal få poeng. Vi andre i administrasjonen har forundra oss over når folk svarer med spørsmålformuleringer og spørsmål teikn, om det er svar, men Kjell Johan er ein romsleg kar og tolker alt til det beste.
Nissekonkurransen har ei god vanskelegsheitsgrad og det er imponerande kor dyktige folk er til å løyse oppgåvene og ein kan berre undre seg om enkelte har pugga alle bileta på heile portalen. Det vansklegaste er å finne bilete av den personen det gjeld. For å gjere dagens nisse spennande og vanskeleg for andre også, så bør ein ikkje opplyse om kvar ein finn løysninga når ein svarar, då det vert meir eller mindre å vere på rett plass og til rett tid for andre for å få dei to neste poengplassane.
Hjørundfjordportalen er ansvarleg for å få til gode premiar til dei som vert vinnarar av konkurransen på julaftan og her er vi i ferd med å få på plass sponsorar, men det er ikkje heilt avklart ennå kva som vert premiane(1.-2.og 3.premie). Håper dette vert avklara på måndag så vi kan orientere brukarane på portalen. Premieutdelinga vert på julefesten 3.juledag.
For å kunne kommentere og å svare på konkurransen må ein vere innlogga som brukar. Vi som har administrasjonsstatus på portalen, kan sjå innpå ei liste der vi ser kven som er aktive brukarar. Ein del brukarar er ikkje aktivert. Dette er fordi det ikkje er svart på den eposten som kjem til epostadressa etter registrering. Dette er for å sjekke at det er rett adresse som er innmeldt. Årsaka til at denne tilbakemeldinga ikkje er sendt tilbake, kan vere at ein har gløymt det, eller eposten har vorten stoppa av virusprogram eller brannmur, fordi den liknar på ein uønska epost. Dette er ikkje noko problem dersom de tek kontakt med oss så kan den aktiverast manuelt av våre to webkarar.
Skulle du ha gløymt passordet ditt så klikk på den blå linken (gløymt passord) som står ilag med innlogginga. Du mottar strakst eit nytt passord, men dette er ein talkombinasjon som er vanskeleg å hugse. Du kan ordne på dette etter du har kome deg inn som brukar, og du klikkar på "Kontodetaljar" og der kan du skifte passord til det som høver best for deg.
Som du forstår så er det ingen grunn for å ikkje bruke portalen fordi at du har mista passordet.
Når det gjeld køyrereglar for portalen har vår fagmann Rune S. skreve ein god artikkel om dette her som fortsatt er like aktuell: http://www.hjorundfjord.no/?side=artikkel&artikkel=1131
I ingress skal det vere korte setningar og det er alletide lurt, for å få mykje besøk, å legge inn eit aktuelt inngressbilete. Teksta i inngressen bør ikkje vere så stor at den går langt nedom nederste biletekant i inngressbilete. Teksta bør være kortast mogleg og skrivast slik at folk vil klikke på artikkelen/nyhenda for å lese vidare.
Ivar Svein Mo
Kommentarar
Skal det seriøst kårast ein "årets skribent" må det vel lagast ei liste så folk kan stemme på?
1. Knut Hustad - han gjer ein ufatteleg god innsats for portalen ! God bredde i artiklane, skriv om smått og stort. Beundringsverdig innsats ! Her vert det lagt ned mange timar.
2. Knut Riise - tydeleg talent for skriving. Gode artiklar frå både fjell og ting som skjer i bygda, ofte med ein betydeleg snert av humor. Svært lesverdig enten det er nye eller nostalgiske innslag.
3. Bodil Skare - Flotte trimtur reportasjer + fleire artiklar om dagligdagse tema frå dalen som alltid er interessant lesnad
4. Helge Strand - kunnskapsrike artiklar om elv,fjord og laksestammer som skaper engasjement og debatt.
5. Fred Ingar Somby - "Topptur-kongen" skriv engasjert om Hjørundfjordalpane, deler opplevingane med oss andre, med flotte bileter og skriv i tillegg på ein humoristisk måte. Når langt utover Hjørundfjord sine grenser med disse artiklane.
Rune Sæbønes sine artiklar er sjølvsagt fantastisk gode, han skriv med brodd, tek ting på kornet og har reisebrev i ultraklassen. men Rune er yrkessjournalist så eg krev i utg.punktet meir frå han enn oss andre :) men han fortjener sjølvsagt ros for innsatsen.
I tillegg vil eg gi skryt til ungguten Sondre Kristoffer Mo. Han skriv veldig godt til å være så ung. Bør være ein inspirasjon for andre unge til å kaste seg utpå med artiklar. Han bidrar i største grad til mangfaldet på Portalen.
og så vil eg gi honnør til Kjellisbror for julekalenderen :) Dette er tydeligvis eit populært innslag som har kome for å bli.
Insatsen i underskriftaksjonen for fjorden burde også komme fram ved utdelinga av for årets bondaling.
Helge har engasjert seg!
Det kan vere diskusjon om
Ferger/samband -Laks og forurensing
Han tenker på Sæbø si framtid men han tenker også støtt på Hjørundfjorden som en fjord og det er viktig i utviklinga av Hjørundfjorden.
Eg savner fleire debatter om næringsutvikling og arbeidsplasser.
Arbeidsplasser mangler vi.
Grundera blant ungdommen burde ha eit fond å søke på vist dei vil starte noko nytt.
Nye arbeidsplasser må vi ha skal folk flytte inn hos oss.
Arbeidsplasser er viktig a ha for alle i fjorden.
1. Knut Riise
2. Knut Hustad
3. Sondre Kristoffer Mo
4. Helge Strand
5. Bodil Skare
I tillegg hederlig omtale til Mariann Bjørdal for innsatsen ho gjer med å legge inn alt om handball og fotball laga.
Og til Rune Sæbønes for det arbeidet han gjer.
Og takk til alle dokke "tindebestigerane" for flotte turskildringar for oss mindre spreke :-)