Nyttårsfeiring i Fonnvernet

Eit lite ynske: Siste åra synest eg avfyringa av fyrverkeriet i Sæbø og omegn har vorte vel spreidd når det gjeld tidspunkt. Hadde det vore mogleg å vente til klokka er midnatt? Eg har sett fyrverkeri andre stader i verda, og det er så mykje flottare når det er samla. På Sæbø siste åra har det vore ein og ein rakett frå kl. er 23.30 til 00.30, og det vert litt stusseleg. Eg skjønar borna sine behov, men likevel...?

Også denne nyårsafta vert det oppskote fyrverkeri i regi av Grendalaget i Fonnvernet. Håper at mange tek turen opp.
Mvh

Eg sjekka på www.yr.no no, og det er ingen grunn til å ta veratterhald. Det vart klårver, men kanskje litt kaldt. Men då er det berre å ta på seg godt med kle. Dette vert kanskje siste gongen det er lov å fyre opp rakettar individuelt i Noreg. Viss lovforslaget vert vedteke, må ein sjekke korleis ein kan gjere det for seinare år, om det t.d. kan samlast inn pengar og at grendelaget står for oppfyringa. Fyrverkeri meiner eg vi må ha nyttårsaftan - på ein eller annan måte, sjølv om eg forstår at dei ville tilstandane andre stader i landet (ein skal ikkje lenger enn til Ørsta/Volda) har gjort det naudsynt med ein lovreaksjon.