Julenissen på Sæbøneset

Det var spennande for borna å feire julafta på Sæbøneset for fyrste gong, og endå meir spennande vart det då vi høyrde bankelydar på verandaen utanfor huset…. Gjennom vindauga kunne vi sjå sjølvaste julenissen komme stavrande. Kjem han til oss?! Hmmm…JA!

Det viste seg at nissen gjerne ville kome inn og kvile seg ei stund. Han hadde nemleg gått heilt frå Olavshola, fortalde han. Dette var noko nytt! Ikkje visste vel vi at julenissen bur i Olavshola, og kjem på besøk til snille barn på julafta! ( i Ørsta brukte vi å

reise fram til ein låve på Ose, og lokke fram ein fjøsnisse som budde der)

Julenissen frå Olavshola hadde med seg gåver til borna, og var ein triveleg kar, synest dei. Godteri var det òg i sekken. Dei meinte dei hadde vore snille, og tok imot pakken dei fekk……



Borna har snakka mykje om nissen i ettertid, og sjølv om dei påstår at dei veit at det berre er nokon som har kledd seg ut, har dei inga forklaring på kven det kan ha vore…. Merkelege greier, ja.

Tusen takk til den flinke julenissen! (Håpar vi får tinge deg neste år òg…:-D)